វិធីជួយសង្គ្រោះអ្នកលង់ទឹកភ្លាមៗ
- 2016-04-20 21:35:58
- ចំនួនមតិ 0 | ចំនួនចែករំលែក 0
វិធីជួយសង្គ្រោះអ្នកលង់ទឹកភ្លាមៗ
ចន្លោះមិនឃើញ
ការជួយសង្គ្រោះមនុស្សលង់ទឹកមិនមែនចេះតែចុះជួយឆៅៗដោយគ្មានសម្ភារៈជំនួយទៅជាមួយ ឬទាំងខ្លួនមិនចេះហែលទឹកនោះទេ ព្រោះវាអាចធ្វើឲ្យអ្នកជួយ និងអ្នកលង់ទឹក ស្លាប់ទាំងពីរមិនខាន។
ខណៈលោកអ្នកកំពុងឃើញមនុស្សលង់ទឹក ត្រូវជួយស្រែកឲ្យអ្នកផ្សេងបានដឹងភ្លាម ដើម្បីរកវិធីជួយសង្គ្រោះគ្នាដូចជា រកដំបងឈើវែង ឬក្រណាត់ក្រមា អាវ ជ្រលក់ទឹកឲ្យសើម បោះឲ្យជនរងគ្រោះតោង។ នេះករណីពុំមានឧបករណ៍ជំនួយជាប់ខ្លួន។ បើជនរងគ្រោះសន្លប់បាត់បង់ស្មារតី អ្នកចុះជួយត្រូវផ្ងារមុខជនរងគ្រោះឲ្យផុតពីផ្ទៃទឹក រួចទាញស្មាហែលសំដៅគោក។
បន្ទាប់ពីស្រង់ឡើងគោកហើយ អ្វីចាំបាច់នោះអ្នកត្រូវចេះវិធីសង្គ្រោះបន្ទាន់ដោយមិនមានអ្នកជំនាញមកដល់ ក្រោយអ្នកលង់លេបទឹកពេញពោះនោះ។ ខាងក្រោមនេះ ជាគន្លឹះខ្លះៗ ជួយជនរងគ្រោះលង់ទឹក ដែលមិនទាន់ផុតដង្ហើម។
១. ផ្អៀងក្បាលជនរងគ្រោះឲ្យទឹកហូរចេញពីមាត់ និងច្រមុះ រួចផ្ងារឡើងវិញ។ ២. អង្រួន ដៃ ជើង ក្បាលជនរងគ្រោះឲ្យដឹងខ្លួន។ ២. ប្រើមាត់បឺតទឹកចេញពីមាត់ជនរងគ្រោះចំនួន ៤ដងបើអាច តែមិនត្រូវឲ្យអ្នកមានជំងឺឆ្លងធ្វើទេ។ បើមិនមានទឹកចេញមកទេ អ្នកត្រូវផ្ដល់ខ្យល់ដង្ហើមឲ្យជនរងគ្រោះ តាមរយៈផ្លុំចូលមាត់មួយវិនាទីម្ដងវែងៗចំនួន ៥លើក ព្រោះសួតជនរងគ្រោះត្រូវការអុកស៊ីហ្សែនជាចាំបាច់។
៣. ប្រើដៃផ្គុំគ្នា ឬកែងដៃសង្កត់ទ្រូងចន្លោះដោះទាំងពីររបស់ជនរងគ្រោះ ធ្វើដដែលៗឲ្យទឹកចេញតាមមាត់ តែដាច់ខាតមិនត្រូវសង្កត់ឆ្អឹងជំនីឡើយ។ ចំពោះជនរងគ្រោះជាក្មេងតូចត្រូវប្រើម្រាម២ គ្រប់គ្រាន់ហើយ។
៤. ប្រើម្រាមដៃពីរស្ទាបជីពចរកដៃ ឬក ជនរងគ្រោះ ឲ្យដឹងថាមានសង្ឃឹមឬអត់។
បើវិធីទាំងប៉ុន្មាន ពុំទាន់ធ្វើឲ្យដឹងខ្លួនទៀត ត្រូវប្រញាប់បញ្ជូនគេទៅមន្ទីរពេទ្យជាបន្ទាន់។ ចំពោះដំបូន្មានពីអ្នកជំនាញ ឪពុកម្ដាយត្រូវបង្រៀនកូនឲ្យចេះហែលទឹកបន្តិចម្ដងៗពីតូចទៅ ដើម្បីការពារខ្លួនពេលជួបគ្រោះថ្នាក់ដូចខាងលើ៕
ចុចអាន៖ ទារិកាអភ័ព្វត្រូវម្ដាយចោលតាមទុយយោទឹក តែជួយសង្គ្រោះបាន
ចុចអាន៖ តោស្ទុះឱបអ្នកជួយសង្គ្រោះជីវិត មើលទៅគួរឲ្យរំភើបចិត្ត
ចុចអាន៖ កូនក្រមុំរត់ទៅជួយសង្គ្រោះជីវិតមនុស្សពេលថតរូបរៀបការ អ្នកណាឃើញក៏សរសើរ
ប្រែសម្រួល៖ ឡេង ភារុណ ប្រភព៖ BBC, Wikihow