Facebook Messenger បន្ថែមមុខងារថ្មីអាចសន្ទនាជាក្រុមបាន

2016-04-21 13:56:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងពេលដ៏ខ្លីខាងមុខនេះទាំងអ្នកប្រើប្រាស់ប្រព័ន្ធប្រតិបត្តិការ iOS និង Android នឹងអាចប្រើប្រាស់មុខងារចុងក្រោយរបស់កម្មវិធី Facebook Messenger ដែលអាចឲ្យសន្ទនាជាក្រុមបាន។

ដើម្បីប្រើប្រាស់មុខងារនេះគ្រាន់តែចុចលើសញ្ញាទូរសព្ទនៅផ្នែកខាងក្រោមនៃកម្មវិធី រួចជ្រើសយកមិត្តភក្តិទាំងឡាយណាដែលអ្នកចង់សន្ទនាជាមួយ។ ពេលនោះកម្មវិធីនឹងចាប់ផ្ដើមតេទៅអ្នកដែលបានជ្រើសរើសនោះ ក្នុងពេលតែមួយ ដើម្បីបង្កើតបានជាក្រុមសន្ទនា។

គួររំលឹក Facebook បានបញ្ចេញមុខងារហៅចេញជាសំឡេងលើដំបូងលើកម្មវិធី Messenger កាលពីឆ្នាំ២០១៤ ដោយពេលនោះអាចហៅចេញបានទៅកាន់មនុស្សតែម្នាក់ប៉ុណ្ណោះ។ ប៉ុន្តែមុខងារថ្មីនេះអាចឲ្យសន្ទនាជាមួយមនុស្សបានច្រើនក្នុងពេលតែមួយ ដោយបានរហូតដល់ទៅ ៥០នាក់ឯណោះ។

បច្ចុប្បន្ននេះមុខងារថ្មីអាចប្រើសម្រាប់តែការហៅចេញជាសំឡេងប៉ុណ្ណោះ ហើយគេរំពឹងថាក្នុងថ្ងៃខាងមុខ Facebook នឹងកែសម្រួលឲ្យអ្នកប្រើប្រាស់ អាចហៅចេញជាវីដេអូបាន៕

ចុចអាន៖ តោះ! សាកទស្សន៍ទាយរឿងស្នេហាអ្នកតាម Facebook ជាមួយវិបសាយនេះ

ប្រែសម្រួល៖ ហៃ សុខហេង ប្រភព៖ TNW