បច្ចេកវិទ្យាភ្លើងស្តុបថ្មី ១០០ កន្លែងនៅភ្នំពេញ អាចតាមដានស្ទើរគ្រប់សកម្មភាព

2016-04-22 16:24:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ភ្លើងស្តុបចំនួន ១០០ទីតាំងទូទាំងរាជធានីភ្នំពេញ ដែលកំពុងតែដំឡើង សុទ្ធតែបំពាក់កាមេរ៉ាទំនើប អាចបញ្ជូនទិន្នន័យរហ័ស ថែមទាំងអាចសម្រួលចរាចរណ៍និងឃ្លាំមើលចោរកម្មនិងគ្រោះថ្នាក់ផ្សេងបានយ៉ាងល្អ។

ទាក់ទិនដំណើរការភ្លើងស្តុបថ្មី លោក លី ប៉ អ្នកគ្រប់គ្រងផ្នែកពាណិជ្ជកម្មនៅ Mitsubishi Corporation ពន្យល់ដូច្នេះថា ភ្លើងស្តុបទាំងអស់នឹងបំពាក់ដោយកាមេរ៉ាចាប់យកសកម្មភាព និងអាចរាប់ចំនួនរថយន្តដែលឈប់នៅត្រង់ស្តុបនីមួយៗ។ បន្ទាប់មកទិន្នន័យដែលចាប់ដោយកាមេរ៉ាទំនើបទាំងនោះនឹងបញ្ជូនទៅ Control Center ដែលមានទីតាំងនៅមន្ទីរសាធារណការនិងដឹកជញ្ជូន ដើម្បីត្រួតពិនិត្យ។

ករណីផ្លូវណាមួយក្នុងចំណោមផ្លូវបែកជាបួន មិនសូវមានយានយន្តកកស្ទះ នោះចំនួននាទីនៅត្រង់ភ្លើងស្តុបនឹងសារ៉េយ៉ាងណាឱ្យផ្លូវដែលមានយានយន្តកកកុញ បានឆ្លងស្តុបទៅមុខលឿន ខុសពីភ្លើងស្តុបបច្ចុប្បន្នដែលនាទីថេរគ្រប់ស្ថានភាព។

លោក ប៉ បន្ថែមថា មួយវិញទៀត ឧទាហរណ៍ពេលមានគណៈប្រតិភូសំខាន់ៗត្រូវឆ្លងកាត់ស្តុប នោះភ្លើងស្តុបនឹងប្រែពណ៌ខៀវភ្លាម ដើម្បីសម្រួលដល់ការធ្វើដំណើររបស់ក្រុមគណៈប្រតិភូឱ្យមានភាពរលូន។

លើសពីនេះ បើសិនមានករណីចោរកម្មឬគ្រោះថ្នាក់ចរាចរណ៍ណាមួយកើតឡើងនៅម្តុំភ្លើងស្តុប កាមេរ៉ានឹងចាប់យករូបភាពទាំងអស់ហើយបញ្ជូនទៅ Control Center ដើម្បីពិនិត្យវាយតម្លៃ និងប្រតិបត្តិការផ្សេងៗផ្អែកលើភស្តុតាងមានស្រាប់ចាប់បានដោយកាមេរ៉ាសុវត្ថិភាព។

យ៉ាងណា លោក ប៉ ថា ការផ្លាស់ប្តូរភ្លើងស្តុបទំនើបដែល Mitsubishi Corporation ទទួលខុសត្រូវដំឡើងតាំងពីខែមីនាកន្លងទៅ នឹងបញ្ចប់នៅខែមីនាឆ្នាំ ២០១៧។ ប៉ុន្តែបញ្ហាប្រឈមសម្រាប់ការដោះដូរភ្លើងស្តុបចាស់ៗទាំង ១០០ ទីតាំងនោះគឺថា ក្រុមហ៊ុនត្រូវកាត់ឬខួងផ្លូវ និងមានការសហការជាមួយបណ្តា រដ្ឋាករទឹក អគ្គិសនីកម្ពុជា ក្រសួងប្រៃសណីយ៍ និងទូរគមនាគមន៍ និងបណ្តាអង្គភាពឯកជនពាក់ព័ន្ធផ្សេង ដើម្បីឱ្យការខួងនិងកាត់ផ្លូវបំពាក់ស្តុបថ្មី ដំណើរការរលូនល្អ៕

អាន៖ ដឹងថាកាមេរ៉ាបំពាក់តាមស្តុបសមត្ថភាពខ្លាំងកម្រិតណា?

អត្ថបទ៖ ប៉ែត ផាន់និត

ពាក្យទាក់ទង

ព័ត៌មានបច្ចេកវិទ្យាក្នុងស្រុក

អត្ថបទពេញនិយម

មកស្គាល់មិត្តពីកុមារភាពរបស់ Jungkook បច្ចុប្បន្នជា Idol ល្បីឈ្មោះម្នាក់ដែរប្រចាំវិស័យ

គម្រោងប្រព័ន្ធធារាសាស្រ្តថ្មី២នេះ នឹងបម្រើដល់វិស័យកសិកម្មក្នុងខេត្តកំពង់ធំ យ៉ាងធំធេង

អ្នកជំនាញ កំពុងសាកល្បងផ្គុំថ្មទៅតាមលំនាំដើម នៅប្រាសាទជម

គម្រោងស្ពានផ្សារចាស់-ជ្រោយចង្វារ-អរិយក្សត្រ កំពុងស្ថិតក្នុងដំណាក់កាលណាហើយ?

រវល់ជាមួយការងារប៉ុណ្ណាក៏ដោយ Taylor ឆ្លៀតពេលសាកថ្មជីវិតជាមួយមិត្តប្រុសយ៉ាងផ្អែមល្ហែម

ត្រឹម៥ខែប៉ុណ្ណោះ! បដិមាបុរាណខ្មែរជាច្រើន ត្រូវបានជីកកំណាយរកឃើញ និងវិលត្រឡប់ពីបរទេស

អត្ថបទថ្មី

ទើប២០ឆ្នាំ ស៊ីន ជេននី មានឱកាសដើរកម្រាលព្រំក្រហមទីក្រុងកានលើកទី៧៧

ទឹកដោះគោ អង្គរមីល សាទរអតិថិជន ០៩ រូបបន្ថែមត្រូវរង្វាន់ ម៉ូតូហុងដាវេវ ស៊េរីថ្មី

ទំនប់ព្រែកជីកលំហាច ត្រូវបានជួសជុល ក្រោយមានទឹកជំនន់ហូរច្រោះដាច់យ៉ាងធ្ងន់ធ្ងរ

គ្រូបង្គោលក្រុមបាល់ទាត់វិទ្យាល័យឫស្សីកែវ៖ ការបង្កើតពានរង្វាន់ផ្សេងៗកាន់តែច្រើនគឺជួយបណ្ដុះយុវជនកាន់តែល្អ

កិច្ចសហប្រតិបត្តិការលើសេវាចែករំលែករបាយការណ៍ព័ត៌មានឥណទានទ្វេភាគីដើម្បីលើកកម្ពស់បរិយាបន្នហរិញ្ញវត្ថុសម្រាប់ប្រជាពលរដ្ឋកម្ពុជារស់នៅសាធារណរដ្ឋកូរ៉េ

អ្នកគាំទ្រដេញដោលគ្នា ថាតើ Min Hee Jin និង NewJeans អាចនឹងជ្រកនៅ SM ឬទេ?