សំណើចខ្លីៗ៖ ផ្ញើអ៊ីមែលច្រឡំ

2016-04-28 13:04:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្ដីប្រពន្ធមួយគូបានព្រមព្រៀងគ្នារៀបចំធ្វើដំណើរទៅដើរលេងនាថ្ងៃវិស្សមកាលរបស់ខ្លួននៅឯមាត់សមុទ្រ តែដោយសារប្រពន្ធរវល់នៅកន្លែងធ្វើការមួយថ្ងៃទើបឲ្យបុរសជាប្ដីទៅមុន១ថ្ងៃ។

ពេលទៅដល់សណ្ឋាគារស្នាក់នៅ បុរសជាប្ដីក៏សម្រេចចិត្តផ្ញើអ៊ីមែលខ្លីៗទៅប្រពន្ធរបស់គាត់។

ដោយអចេតនា ពេលដែលបុរសនោះសរសេរអាសយដ្ឋានអ៊ីមែលរបស់ប្រពន្ធខ្លួនខុស សារអ៊ីមែល បានលោតផ្ញើទៅអាសយដ្ឋានអ៊ីមែលស្ត្រីម្នាក់ដែលប្ដីរបស់គាត់ទើបតែស្លាប់បាន៧ថ្ងៃ។

ពេលដែលស្ត្រីមេម៉ាយឆែកមើលអ៊ីមែលរបស់ខ្លួនតែពុំបានចាប់អារម្មណ៍មើលល្អិតល្អន់លើឈ្មោះអ្នកផ្ញើសារមកឡើយ។ ភ្លាមៗស្ត្រីនោះបានស្រែកយំផ្អើលរហូតដល់អ្នកជិតខាងមកជួយ។

ក្រោយដឹងរឿងហេតុខ្លះៗ អ្នកជិតខាងបានអានមើលទៅសារអ៊ីមែលដែលស្ត្រីនោះបានទទួលមានខ្លឹមសារថា៖

ជូនចំពោះប្រពន្ធជាទីស្រលាញ់ បងទៅដល់ទីនោះហើយ! ថ្ងៃស្អែកបងចេញទៅទទួលអូន។

ចុចអាន៖ រឿងពិចារណា៖ ការព្យាយាមអាចមានដូចគ្នាតែភាពឆ្លាតវៃអាស្រ័យលើមនុស្ស

ប្រែសម្រួល៖ មាន រតនា ប្រភព៖ academictips