Motorola ត្រូវអតិថិជនប្ដឹងទារ ៥លានដុល្លារ ព្រោះសេវាកម្មមិនល្អ

2016-04-28 14:03:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Motorola ត្រូវបានអតិថិជនមួយចំនួនប្ដឹងទារប្រាក់ ៥លានដុល្លារ ព្រោះតែក្រុមហ៊ុននេះមិនបានផ្ដល់សេវាកម្មធានារ៉ាប់រងដែលល្អដល់ពួកគេ។

ដើមបណ្ដឹងសំខាន់ក្នុងរឿងក្ដីត្រូវបានគេស្គាល់ថាគឺលោក Douglas Lynch ដែលបានចោទប្រកាន់ថាក្រុមហ៊ុន Motorola ចំណាយពេលដល់ទៅរាប់ខែ ដើម្បីដោះស្រាយបញ្ហាកើតមានលើនាឡិកាដៃ Moto 360 របស់ខ្លួន។ មិនតែប៉ុណ្ណោះ ចុងក្រោយក្រុមហ៊ុនបានផ្ដល់ដំណោះស្រាយ ដោយផ្ញើនូវនាឡិកាម៉ូដែលខុសពីនាឡិកាដើមរបស់គាត់ ដែលវាមានតម្លៃថោកជាង។

បញ្ជាក់ថាមិនមែនមានតែ Douglas ទេដែលមានអារម្មណ៍ទទួលបានការមើលងាយពីសេវាកម្មអតិថិជនរបស់ក្រុមហ៊ុន Motorola នោះ។ បើតាមក្រុមហ៊ុន Girard Gibbs LLP ដែលជាក្រុមហ៊ុនមេធាវីមួយកាន់កាប់រឿងក្ដីនេះ បានលើកឡើងថា Motorola ជំពាក់ថ្លៃសំណងចំពោះមនុស្សរាប់ពាន់នាក់។

ទាក់ទងនឹងពាក្យបណ្ដឹងខាងលើនេះក្រុមហ៊ុន Motorola បានបញ្ចេញប្រតិកម្មភ្លាមៗ ដោយទទួលស្គាល់ថាដំណើរការនៅមជ្ឈមណ្ឌលជួសជុលរបស់ខ្លួនហាក់មានសភាពយឺតយ៉ាវបន្តិចមែន៕

ចុចអាន៖ ទូរសព្ទកំពូលដើរដោយប្រព័ន្ធប្រតិបត្តិការ Ubuntu ដាក់លក់ជាផ្លូវការ

ប្រែសម្រួល៖ ហៃ សុខហេង ប្រភព៖ AndroidAuthority