មិនធម្មតា! ដើមឆ្នាំនេះប្រាក់ចំណេញរបស់ Facebook កើនឡើងគុណនឹងបី

2016-04-28 15:14:12
ចំនួនមតិ 0 | ចំនួនចែករំលែក 0

ចន្លោះមិនឃើញ

របាយការណ៍ហិរញ្ញវត្ថុប្រចាំត្រីមាសទីមួយឆ្នាំ២០១៦ ដែលក្រុមហ៊ុន Facebook បានចេញផ្សាយកាលពីប៉ុន្មានម៉ោងមុននេះ បានបង្ហាញថាប្រាក់ចំណេញទទួលបាន មានការកើនឡើងដល់ទៅ ១៩៥% ឯណោះ។

បើក្រឡេកទៅមើលរយៈពេលដូចគ្នាកាលពីឆ្នាំមុន បណ្ដាញ Facebook ទទួលបានប្រាក់ចំណេញ ៥១២លានដុល្លារ។ ចំណែកក្នុងឆ្នាំនេះវិញក្រុមហ៊ុនអាចរកបានដល់ ១,៥ពាន់លានដុល្លារ ដែលទទួលបាន តាមរយៈការបញ្ចេញផលិតផលថ្មីៗ រួមទាំងការផ្សាយពាណិជ្ជកម្មដែលជាប្រភពចំណូលដ៏ធំ។

ចំពោះចំណូលសរុបប្រចាំត្រីមាសឯណោះវិញ ឃើញថាមានការកើនឡើង ៥៧% បើប្រៀបទៅនឹងពេលដូចគ្នាកាលពីឆ្នាំមុន ដោយរកបាន ៥,៣៨ពាន់លានដុល្លារ។ តួលេខនេះគឺលើសពីអ្វីដែលសារព័ត៌មាន Wall Street បានព្យាករណ៍ទុក។

លើសពីនេះទៅទៀតចំនួនអ្នកប្រើប្រាស់សកម្មប្រចាំខែក៏ឃើញថាមានការកើនឡើងគួរឲ្យកត់សម្គាល់ ដោយមកទល់ពេលនេះចំនួនអ្នកប្រើប្រាស់សកម្មប្រចាំមាន ១,៦៥ពាន់លាននាក់៕

ចុចអាន៖ Motorola ត្រូវអតិថិជនប្ដឹងទារ ៥លានដុល្លារ ព្រោះសេវាកម្មមិនល្អ

ប្រែសម្រួល៖ ហៃ សុខហេង ប្រភព៖ BBC