បុរសម្នាក់ព្យាយាមបង្កើតកង់ហោះប្លែកៗដោយខ្លួនឯង
- 2016-05-01 23:52:21
- ចំនួនមតិ 0 | ចំនួនចែករំលែក 0
បុរសម្នាក់ព្យាយាមបង្កើតកង់ហោះប្លែកៗដោយខ្លួនឯង
ចន្លោះមិនឃើញ
បុរសជនជាតិអង់គ្លេសម្នាក់ បានព្យាយាមផលិតកង់ហោះដោយខ្លួនឯង និងបានថតបង្ហោះលើបណ្ដាញ Youtube ដោយមានការកោតសរសើរយ៉ាងច្រើន។ លោក Colin Furze ជាបុគ្គលល្បីឈ្មោះលើអ៊ីនធឺណិតម្នាក់ ខាងបង្កើតគំនិតប្លែកៗ ដូចជាជើងទម្របាញ់កាំជ្រួច គ្រែបត់ និងម៉ូតូ Scooter បើកលឿនជាងគេបំផុតក្នុងលោកជាដើម។
ចំណែកការតេស្តពិសោធន៍របស់ Colin ម្ដងៗមានអ្នកចូលមើលរាប់លានដងលើ Youtube ជាមួយអ្នកគាំទ្រជាង ២ លាន ៧១ម៉ឺននាក់។
ការរចនាកង់ហោះលើកនេះគឺ មានរាងមិនគួរឲ្យជឿ និងគ្រោះថ្នាក់បន្តិចពេលចុះចត។ កង់នេះមានតួជាលោហៈ និងរួមជាមួយម៉ាស៊ីនចំនួនពីរស្រោបគ្រោងដែកពីលើយ៉ាងមាំ។ កង់ពិសេសនេះមិនមានកន្លែងអង្គុយស្រួល ចង្កូត ហ្វ្រាំង និងហោះខ្ពស់នៅឡើយទេ។ ទោះជាស្នាដៃមិនទាន់ជោគជ័យ លោកត្រូវខិតខំយ៉ាងណាឲ្យសុបិនរបស់ខ្លួនក្លាយជាការពិតនៅពេលឆាប់ៗខាងមុខ។
សូមទស្សនាវីដេអូខាងក្រោម៖
ប្រែសម្រួល៖ ឡេង ភារុណ ប្រភព៖techinsider