Ronaldo ត្រឡប់មកទីលានហ្វឹកហាត់វិញ ត្រៀមជួប Man City
- 2016-05-02 16:37:39
- ចំនួនមតិ 0 | ចំនួនចែករំលែក 0
Ronaldo ត្រឡប់មកទីលានហ្វឹកហាត់វិញ ត្រៀមជួប Man City
ចន្លោះមិនឃើញ
Cristiano Ronaldo លេចមុខនៅទីលានហ្វឹកហាត់សារជាថ្មីកាលពីថ្ងៃអាទិត្យ មុនជំនួបជើងទី២ Champions League ទល់នឹង Manchester City នៅទឹកដី Santiago Bernabeu។
តារាឆ្នើមសញ្ជាតិព័រទុយហ្គាល់បានអវត្តមាន២ប្រកួតចុងក្រោយ របស់ Real Madrid ដោយសាររបួសសរសៃពួរ។ នៅអំឡុងពេលហ្វឹកហាត់គេឃើញRonaldo ហាត់ជាក្រុមនៅវគ្គទី១ រួចបន្តហាត់ទៀតនៅវគ្គទី២ ដែលភាគច្រើន កីឡាករវ័យ៣១ឆ្នាំ ហ្វឹកហាត់រត់លើទីលានច្រើនជាង ហាត់យកសាច់ដុំ (gym)។
ក្រៅពី Ronaldo ក្នុងនោះកូនក្រុមសំខាន់ៗរបស់លោក Zidane មាន Karim Benzema, Borja Mayoral, Casemiro និង James Rodriguez ក៏សុទ្ធមានមុខក្នុងការហ្វឹកហាត់ដ៏សំខាន់របស់ពួកគេដើម្បីដណ្ដើមកៅអី ទៅកាន់វគ្គផ្តាច់ព្រ័ត្ត។
ឆ្លើយក្នុងកិច្ចសម្ភាសន៍ អតីតកីឡាករ Manchester United បាននិយាយថា៖ "គ្រប់ការប្រកួត Champions League ក្រុមទាំងមូល តែងមានអារម្មណ៍ថាដូចជាប្រកួតលើកទី១។ យើងដឹងថា ការប្រកួតនេះនឹងជាប្រកួតដ៏លំបាក ព្រោះCity គឺជាក្រុមខ្លាំង។ ការទម្លាក់ Paris St Germain មិនមែនជារឿងងាយស្រួលនោះទេ តែពួកគេអាចធ្វើបាន៕"
⚽
Watch @Cristiano's return to the pitch at #RMCity!#HalaMadrid https://t.co/ag6sSKg5c3— Real Madrid C.F. (@realmadriden) May 1, 2016
ប្រែសម្រួល៖ វីរ៉ុត ប្រភព៖ Sport English