De Gea ឈ្នះពានកីឡាករល្អបំផុត ៣ឆ្នាំជាប់គ្នានៅ Man Utd
- 2016-05-03 15:00:26
- ចំនួនមតិ 0 | ចំនួនចែករំលែក 0
De Gea ឈ្នះពានកីឡាករល្អបំផុត ៣ឆ្នាំជាប់គ្នានៅ Man Utd
ចន្លោះមិនឃើញ
កំពូលអ្នកចាំទីដៃស្អិត David de Gea របស់ក្រុម Manchester United បានឈ្នះពានរង្វាន់កីឡាករល្អបំផុតប្រចាំឆ្នាំ (Player of the Year) របស់ក្រុមបិសាចក្រហម ដែលបោះឆ្នោតដោយអ្នកគាំទ្រកាលពីយប់មិញ។
អ្នកចាំទីជម្រើសជាតិអេស្ប៉ាញ De Gea បានជួយសង្គ្រោះបាល់យ៉ាងច្រើន និងជួយឲ្យបិសាចក្រហមទទួលបានពិន្ទុសំខាន់ៗរដូវកាលនេះ ហើយកីឡាករវ័យ២៥ឆ្នាំរូបនេះ បានក្លាយជាកីឡាករដំបូងគេក្នុងប្រវត្តិសាស្ត្រក្លឹប Man Utd ដែលអាចឈ្នះពានរង្វាន់នេះ ៣ឆ្នាំជាប់ៗគ្នា។
រីឯខ្សែការពារ Chris Smalling បានឈ្នះពានរង្វាន់ Players' Players of the Year បន្ទាប់ពីបង្ហាញទម្រង់ដ៏ល្អនៅតំបន់ការពារកណ្ដាលរដូវកាលនេះ ខណៈដែលខ្សែប្រយុទ្ធវ័យក្មេង Marcus Rashford ឈ្នះពានកីឡាករល្អបំផុតអាយុក្រោម១៨ឆ្នាំ (Under 18s Player of the Year), ខ្សែការពារ Cameron Borthwick-Jackson ឈ្នះពាន Under 21s Player of the Year និង Anthony Martial ឈ្នះពានគ្រាប់បាល់ល្អប្រចាំរដូវកាល៕
ប្រែសម្រួល៖ វិន ជីវ័ន្ត ប្រភព៖ dailymail