រូបមន្តធ្វើបាយឆាបែបចិនដោយខ្លួនឯង មិនចាញ់ចុងភៅ

2016-05-05 19:04:43
ចំនួនមតិ 0 | ចំនួនចែករំលែក 0

ចន្លោះមិនឃើញ

បាយឆាជាអាហារហូបងាយចម្អិន រហ័ស និងចំណាយលុយសមរម្យសម្រាប់ធ្វើ។ អ្នកប្រហែលជាបានភ្លក់រសជាតិបាយឆាតាមហាងអាហារមួយចំនួន ឬពេលហូបម្ហូបការតែងមានបាយឆាផងដែរ។ សម្រាប់ថ្ងៃនេះអ្នកអាចរៀនធ្វើវាដោយខ្លួនឯងដូចខាងក្រោម តាមរូបមន្តបាយឆាបែបចិនមិនចាញ់ស្នាដៃចុងភៅប៉ុន្មានទេ៖

- បាយឆ្អិនស្រាប់ ១ចានគោម - ស្លឹកខ្ទឹម ២បី៣ដើម - សាក់ក្រក (ប្រភេទសាច់តាមចូលចិត្តហាន់រួច១ចាន) - បន្លែលាយ (ពោត ការ៉ុត សណ្ដែកបារាំង តាមការចូលចិត្ត និងជួយបន្ថែមសោភ័ណភាព) - ស៊ុត (ពីរគ្រាប់គោះវាយចូលគ្នាស្រេច)

រូបមន្តគ្រឿង៖

ទឹកស៊ីអ៊ីវ ៣ស្លាបព្រាបាយ
ស្ករស ១ចុងស្លាបព្រាបាយ
ទឹកស៊ីអ៊ីវខ្មៅ (ស៊ីអ៊ីវខាប់) ១ចុងស្លាបព្រាបាយ
ទឹក ១ស្លាបព្រាបាយ ***(លាយគ្រឿងខាងលើទាំងអស់ចូលគ្នា)

របៀបចម្អិន៖

ដាក់ខ្ទះឲ្យក្ដៅដោយពុំចាំបាច់ចាក់ប្រេងឆាចូល រួចដាក់សាច់ក្រកត្រលប់ឲ្យសព្វឆ្អិនក្រៀមល្មម រួចដាក់បន្លែ ពោត ការ៉ុត និងសណ្ដែកបារាំងចូលឆាត្រលប់ឲ្យសព្វ។
ដាក់បាយឆ្អិនស្រាប់ចូល រួចដាក់ស៊ុតពីរគ្រាប់ចូលច្របល់ឲ្យសព្វ។
ដាក់ទឹកគ្រឿងចូល ដាក់ស្លឹកខ្ទឹមហាន់ចូល ឆាត្រលប់ប្រហែល៣នាទីឆ្អិន ដួសដាក់ចានអ្នកនឹងបានបាយឆាបែបចិន១ចានមិនចាញ់ស្នាដៃចុងភៅ៕