សកម្មភាពយុវវ័យក្នុងថ្ងៃទិវាអ្នកម្តាយ សាមញ្ញៗ តែបង្កប់ដោយអត្ថន័យ
- 2016-05-06 00:52:23
- ចំនួនមតិ 0 | ចំនួនចែករំលែក 0
សកម្មភាពយុវវ័យក្នុងថ្ងៃទិវាអ្នកម្តាយ សាមញ្ញៗ តែបង្កប់ដោយអត្ថន័យ
ចន្លោះមិនឃើញ
ទិវាអ្នកម្តាយនៅថ្ងៃអាទិត្យ ទី៨ ខែឧសភាខាងមុខនេះ តើមានអ្នកម្តាយប៉ុន្មាននាក់ដឹង ឬចងចាំបាន? ជឿជាក់ថា អ្នកម្តាយភាគច្រើនច្បាស់ជារវល់នឹងការរកទទួលទាន ថែទាំកូន ស្វាមី និង កិច្ចការផ្ទះ រហូតភ្លេចថាមានថ្ងៃពិសេសសម្រាប់ខ្លួនផង។ ដូច្នេះកូនៗ ឬស្វាមី មិនគួរបណ្តោយឱ្យឱកាសនេះកន្លងផុតទៅដោយគ្មានអត្ថន័យនោះទេ។
ខាងក្រោមនេះគឺជាការចែករំលែកសកម្មភាពរបស់កូនៗ និងស្វាមីនៅថ្ងៃពិសេសនេះ!
យុវជនយ៉ារិទ្ធ ជានិស្សិតឆ្នាំទី៤ នៃវិទ្យាស្ថានភាសាបរទេស បានប្រាប់ថា នៅថ្ងៃនោះខ្លួននឹងនិយាយជូនពរអ្នកម្តាយមុនគេបង្អស់ បន្ទាប់មកជួយធ្វើម្ហូប ឲ្យម៉ាក់ភ្លក់ស្នាដៃកូនប្រុស និងសុំទោសរាល់កំហុសដែលបានធ្វើលើម៉ាក់។
ដោយហេតុថា ចង់ឲ្យអ្នកម្តាយសប្បាយចិត្ត មានសុខភាពល្អ សម្រស់នៅតែស្រស់ស្អាត យុវតី សោមា ប្រាប់ថា «ខ្ញុំបានត្រៀមអំណោយរួចហើយ គឺអាវមួយឈុត រួមនិងផលិតផលថែរក្សាសម្ជស្សទៀតផង»។ ពាក្យក្នុងចិត្តដែលសោមាចង់និយាយទៅអ្នកម្តាយទីស្រលាញ់ គឺ កូនស្រលាញ់ម៉ាក់ អរគុណម៉ាក់ដែលផ្តល់អ្វីៗគ្រប់យ៉ាងដល់កូន។
(រូបតំណាង)
ងាកមកលោក សំណាង ជាអ្នកបុគ្គលិកក្រុមហ៊ុន ចែកបទពិសោធន៍ថា កន្លងមកចាំបាច់តែចំថ្ងៃពិសេសនោះទេ គឺតែឲ្យលោកទំនេរលោកតែងតែចំណាយពេលជួបជុំគ្រួសារ ដែលមានទាំងម្តាយ ភរិយា កូនៗ និងជួយធ្វើកិច្ចការផ្ទះ។ ចំណែកថ្ងៃពិសេស ៨ ឧសភាខាងមុខនេះ លោកនឹងមានការជួបជុំញ៉ាំអាហារពេលល្ងាចជាមួយគ្នា អមដោយអំណោយបន្តិចបន្តួច រួមនិងបាច់ផ្កាជូនអ្នកម្តាយ និងភរិយាជាទីស្រលាញ់។
ចុះមិត្តយុវវ័យដទៃទៀតមានគម្រោងធ្វើអ្វីដែរ ដើម្បីបង្ហាញពីអារម្មណ៍ដ៏ស្មោះត្រង់និងផ្អែមល្ហែមចំពោះអ្នកម្តាយ?
អបអរទិវាអ្នកម្តាយ Pond’s ក៏មានកម្មវិធីពិសេសលក់បញ្ចុះតម្លៃដើម្បីឲ្យកូនៗនិងបុរសជាស្វាមី អាចទិញជាកាដូជូនអ្នកម្តាយ ឬក៏ភរិយា។ ប្រើប្រាស់ Pond’s Age Miracle មិនថាអាយុប្រែប្រួលយ៉ាងណាសម្រស់ របស់អ្នកនៅតែស្អាត និងមើលទៅក្មេងជាងវ័យ!៕
អត្ថបទៈ លីដា
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
