ដឹងថាមិនអាចរស់ នៅតែប្ដូររៀបការ តែបាន៨ថ្ងៃស្លាប់មែន

2014-10-27 23:05:53
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកជំងឺធ្ងន់ធ្ងរដំណាក់កាលចុងក្រោយ គឺលោក Joseph និងគូដណ្ដឹង នាង Edna បានរៀបចំកម្មវិធីរៀបការកាលពីថ្ងៃ១៥ តុលា នៅក្នុងមន្ទីរពេទ្យមួយកន្លែង ក្នុងប្រទេសសិង្ហបុរី (Singapore General Hospital) ខណៈដែលគាត់ស្ថិតនៅលើគ្រែនៅឡើយ។ ប៉ុន្មានម៉ោងបន្ទាប់ពីពិធីអាពាហ៍ពិពាហ៍រួចលោកបានសន្លប់ស្ដូកស្ដឹង និង៨ថ្ងៃក្រោយមក អ្នកជំងឺនោះបានស្លាប់បាត់ទៅ។

មុនពេលរៀបអាពាហ៍ពិពាហ៍ ស្ថានភាពជំងឺរបស់កូនកំលោះនោះកាន់តែអាក្រក់ទៅៗ ប៉ុន្តែជំនួសដោយការលុបចោលគម្រោងរៀបការនេះ ពួកគេបានសម្រេចចិត្តរៀបអាពាហ៍ពិពាហ៍នៅលើគ្រែក្នុងមន្ទីរពេទ្យតែម្ដង។ នៅក្នុងវីដេអូនោះកូនកំលោះបានផ្លាស់ប្ដូរឈុតអ្នកជំងឺចេញ ហើយបានស្លៀកឯកសណ្ឋាន SAF CDO លេខ១របស់ខ្លួនសម្រាប់ពិធីអាពាហ៍ពិពាហ៍នោះ។

សមាជិកគ្រួសារ និងមិត្តភ័ក្ដិបានប្រមូលផ្ដុំគ្នានៅជុំវិញគ្រែមន្ទីរពេទ្យរបស់លោក និង ជាសាក្សីនៃការសន្យាអាពាហ៍ពិពាហ៍ និង ចិញ្ចៀនអាពាហ៍ពិពាហ៍នេះផងដែរ។

វីដេអូនេះត្រូវបានបង្កើតឡើងដោយមិត្តភ័ក្ដិរបស់លោក គឺលោក Ho Kah Meng៕

http://youtu.be/nRahNCFtenk

-អានអត្ថបទ៖ ស្រវឹងធ្លាក់លូទឹកស្អុយ មើលស្ទើរដូចមនុស្សភពផ្សេង

ប្រែសម្រួល៖ទ្រី រ៉ាវី ប្រភព៖ singaporeseen