សត្វទាំង១០ដែលមានរូបរាងគួរឲ្យស្រលាញ់ជាងគេ

2016-05-14 13:17:03
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅលើភពផែនដីមានប្រភេទពូជសត្វ និងរុក្ខជាតិច្រើនប្រភេទ រស់នៅក្នុងមជ្ឈដ្ឋានផ្សេងៗគ្នា។ ចំពោះសត្វក៏ដូចជារុក្ខជាតិរាប់រយប្រភេទទាំងនោះ តែងមានរូបរាងខុសប្លែកគ្នាទៅតាមធម្មជាតិដែលបានបង្កើតវា។ តាមរយៈវិបសាយចំណេះដឹង Storyeo បានបង្ហាញពីសត្វ១០ប្រភេទដែលរូបរាងស្អាតគួរឲ្យស្រលាញ់៖

១. សត្វQuokka

ជាសត្វទំហំប៉ុនឆ្មាដែលរស់នៅក្នុងប្រទេសអូស្ត្រាលី។ Quokka មានលក្ខណៈដូចជាសត្វកង់ហ្គូរូដែរ ដោយវាមានថង់សម្រាប់ដាក់កូនៗរបស់វា និងទៅណាមកណាដោយការលោត។

២. Penguin អាហ្វ្រិក

មានឈ្មោះហៅម្យ៉ាងទៀតថា Jackass Penguin ឬ Penguin ជើងខ្មៅ វាតែងរស់នៅផ្ដុំគ្នានៅតាមឆ្នេរសមុទ្រនៃប្រទេសអាហ្វ្រិកខាងត្បូង។

៣. ត្រីសេះសមុទ្រ Pygmy

ជាប្រភេទត្រីរូបរាងដូចសេះរស់នៅលាក់ខ្លួននៅតំបន់ផ្កាថ្មនៃបណ្ដាប្រទេសអាស៊ីអាគ្នេយ៍។ វាមានប្រវែងពី១,៤ ស.ម. ទៅ២,៧ ស.ម. ។

៤. ឈ្លូស Dik-dik

Dik-dik ជាប្រភេទឈ្លូសតូចម្យ៉ាង រស់នៅភាគខាងកើតនៃអាហ្វ្រិកខាងត្បូង។ វាមានកម្ពស់៣០ទៅ៤០ ស.ម. ទម្ងន់ពី៣ទៅ៦គីឡូក្រាម នឹងអាចរស់បានប្រហែល១០ឆ្នាំ។

៥. ស្វា Emperor Tamarin ជាប្រភេទស្វាតូចៗរស់នៅព្រៃនៃអាមេរិកភាគខាងត្បូង។ វាមានឈ្មោះ Emperor ដោយសារតែពុកមាត់ស្រស់ឆើត ដូចអធិរាជអាល្លឺម៉ង់ Wilhelm II ។ អ្នកទេសចរអាចរកមើល Emperor Tamarin នៅក្នុងប្រទេសប៉េរូ និងប្រទេសប្រេស៊ីល។

៦. សេះតូច Shetland

ជាពូជសេះតូចមានប្រភពមកពីប្រជុំកោះShetland ក្នុងប្រទេសស្កុតឡែន។ អ្នកទេសចររកឃើញវារស់នៅសហរដ្ឋអាមេរិកផងដែរ។

៧. កំប្រុកហោះ

វាមានឈ្មោះជាកំប្រុកហោះប៉ុន្តែវាមិនចេះហោះនោះទេ។ វាអាចហក់សំកាំងខ្លួនដូចហោះ ដោយប្រើរោមភ្នាសជាប់ដៃនិងជើងរបស់វា។ វារស់នៅក្នុងព្រៃនៃសហរដ្ឋអាមេរិក និងប្រទេសកាណាដា។

៨. ខ្លាឃ្មុំPanda ក្រហម

វាមានឈ្មោះម្យ៉ាងទៀតគឺឆ្មារខ្លាឃ្មុំ ដែលចូលចិត្តរស់នៅលើដើមឈើមានមែកសាខាធំៗ។ Panda ក្រហមច្រើនរស់នៅក្នុងព្រៃភ្នំនៃប្រទេសនេប៉ាល់ ប្រទេសឥណ្ឌា ភូមា និងចិន។

៩. កញ្ជ្រោង Fennec

ជាពូជកញ្ជ្រោងតូចជាងគេបំផុតក្នុងលោក វាមានទម្ងន់ពី១ទៅ ១,៣គីឡូក្រាម និងប្រវែងពី២២ទៅ៤០សង់ទីម៉ែត្រ។ ពួកមានរោមក្រាស់ៗ ច្រើនរស់នៅតំបន់ដីខ្សាច់នៃប្រទេសម៉ារ៉ុក (អាហ្វ្រិក) ។