Alves៖ ទោះ Real ឈ្នះ UCL ក៏ Barca នៅតែជាក្រុមខ្លាំងបំផុតលើលោក
- 2016-05-25 21:53:58
- ចំនួនមតិ 0 | ចំនួនចែករំលែក 0
Alves៖ ទោះ Real ឈ្នះ UCL ក៏ Barca នៅតែជាក្រុមខ្លាំងបំផុតលើលោក
ចន្លោះមិនឃើញ
Dani Alves ខ្សែការពារស្ដាំក្រុម FC Barcelona បាននិយាយថា ខ្លួនចង់ឲ្យក្រុម Atletico Madrid ឈ្នះ Real Madrid នៅផ្ដាច់ព្រ័ត្រ UEFA Champions League ប៉ុន្តែទោះលទ្ធផលក្រុមស្ដេចស អាចលើកពាន ក៏ក្រុម Barca នៅតែជាក្រុមខ្លាំងបំផុតលើលោកដដែល។
Dani Alves ខ្សែការពារស្តាំក្រុម FC Barcelona
កីឡាករជម្រើសជាតិប្រេស៊ីល វ័យ៣៣ឆ្នាំរូបនេះ ប្រាប់ដល់ AS ថា៖ "ផ្ដាច់ព្រ័ត្រ UEFA Champions League រវាងក្រុម Real Madrid ទល់នឹង Atletico Madrid...Real ហាក់មានប្រៀបជាង ប៉ុន្តែដៃគូរបស់គេ Atletico ក៏មិនធម្មតាដែរ។ ខ្ញុំគិតថា វានឹងក្លាយជាការប្រកួតដ៏អស្ចារ្យ ប៉ុន្តែទោះលទ្ធផលយ៉ាងណា ក៏ការពិតមិនអាចផ្លាស់ប្ដូរបានឡើយគឺ ក្រុម Barcelona នៅតែជាក្រុមខ្លាំងបំផុតលើពិភពលោក ព្រោះយើងធ្លាប់ទទួលបានជោគជ័យខ្លាំង ដែលគ្មានក្រុមណាមួយអាចធ្វើបាន”។
“ខ្ញុំចង់ឲ្យ Atletico ឈ្នះ ប៉ុន្តែមិនមែនគ្រាន់តែចង់ឃើញ Real ចាញ់ទេ។ ប្រាកដណាស់ថា ខ្ញុំចូលចិត្ត ពេលឃើញ Real ចាញ់ ប៉ុន្តែខ្ញុំចង់ឃើញ Atletico លើកពាន ព្រោះពួកគេបានខិតខំប្រឹងប្រែងណាស់។ ពួកគេសមតែទទួលបានពាន។ ឈ្នះពាន UEFA Champions League អាចជារង្វាន់ដ៏ស័ក្ដិសមមួយសម្រាប់ពួកគេ ដែលខិតខំរយៈពេលពីរឬបីឆ្នាំចុងក្រោយនេះ”។ អតីតកីឡាករក្រុម Sevilla រូបនេះ បន្ថែម។
Alves លេងឲ្យក្រុម Barcelona ៨រដូវកាលហើយ តាំងពីឆ្នាំ២០០៨មក និងបានឈ្នះពានសរុប២៣ពានជាមួយក្រុមអ្នកមានបុណ្យ ក្នុងនោះរួមមានពានធំៗ UEFA Champions League ៣ដង និង La Liga ៦ដងផងដែរ៕
ប្រែសម្រួល៖ វិន ជីវ័ន្ត ប្រភព៖ AS