ឈិន ឈឿន មិនច្បាស់អនាគតរបស់ខ្លួននៅជម្រើសជាតិ

2016-05-27 22:22:30
ចំនួនមតិ 0 | ចំនួនចែករំលែក 0

ចន្លោះមិនឃើញ

“វាមានការប្រកួតប្រជែងគ្នាខ្លាំងនៅពេលហ្វឹកហាត់ ដើម្បីមានឈ្មោះទៅលេងក្នុងការប្រកួត... ណាមួយក្មេងៗបច្ចុប្បន្នមានសមត្ថភាពល្អៗច្រើនទៀត អីចឹងខ្ញុំមិនប្រាកដបានជាប់ជម្រើស១១នាក់ ឬយ៉ាងណាទេ”។ នេះសម្ដី ឈិន ឈឿន មុនប៉ះទីម័រខាងកើត ក៏ដូចជាត្រៀមខ្លួនប្រកួតជាមួយឆាយនីសតៃប៉ិនៅខែក្រោយ។

នៅល្ងាចម៉ោង៧ ថ្ងៃទី២៩ ខែឧសភា ឆ្នាំ២០១៦ ខាងមុខនេះ ក្រុមបាល់ទាត់ជម្រើសជាតិកម្ពុជានឹងត្រូវប្រកួតមិត្តភាពជាមួយក្រុមទីម័រខាងកើត មុនប៉ះក្រុមឆាយនីសតៃប៉ិក្នុងវគ្គជម្រុះបឋមនៃពានរង្វាន់ជើងឯកទ្វីបអាស៊ី AFC Asian Cup 2019 ។ ដោយមុនចេញដំណើរទៅនេះដែរ ក្រុមជម្រើសជាតិកម្ពុជាបានប្រមូលផ្ដុំហ្វឹកហាត់ជារៀងរាល់ថ្ងៃ ដើម្បីត្រៀមជម្រុះយកកីឡាករ២៣នាក់។

ដោយសារតែនៅមានជម្រុះមួយតង់ទៀតនេះដែរ ខ្សែបម្រើ ឈិន ឈឿន បានបង្ហាញចំណាប់អារម្មណ៍ថាកីឡាករកម្ពុជាបច្ចុប្បន្នមានសមត្ថភាពខ្ពស់ ហើយរូបគេក៏រំពឹងអាចយកឈ្នះក្រុមឆាយនីសតៃប៉ិបានដែរ។ កីឡាករលេងនៅក្លឹបក្រសួងការពារជាតិរូបនេះបន្តថា ហេតុតែកីឡាករម្នាក់ៗមានសមត្ថភាពខ្ពស់នេះហើយ ទើបរូបគេមិនច្បាស់ថាអាចចូលលេងជម្រើស១១នាក់ដំបូង ឬអាចជាប់ឈ្មោះក្នុងបញ្ជីរបស់លោក Lee Tae Hoon ពេលប៉ះឆាយនីសតៃប៉ិឡើយ។

ខាងក្រោមនេះជាសម្ដីផ្ទាល់របស់ ឈិន ឈឿន៖