គូស្នេហ៍តារាខ្មែរ៤គូ ប្រាប់ពីថ្លៃបណ្ណាការ
- 2016-05-30 15:53:09
- ចំនួនមតិ 0 | ចំនួនចែករំលែក 0
គូស្នេហ៍តារាខ្មែរ៤គូ ប្រាប់ពីថ្លៃបណ្ណាការ
ចន្លោះមិនឃើញ
បើនិយាយពីតារារៀបការ និងគ្រោងរៀបការគឺមានច្រើន ក្នុងនោះមានអ្នកខ្លះបានបញ្ចេញថ្លៃបណ្ដាការឲ្យមហាជនបានដឹង និងអ្នកខ្លះទៀតព្យាយាមលាក់លៀម។ ព្រឹកនេះSabay សូមលើកយកគូតារា៤គូរដែលធ្លាប់បានបញ្ហាថ្លៃបណ្ណាការ ឲ្យមហាជនបានដឹង។
១/ លោក ឈុន សុវណ្ណភក្ដី និង អ្នកនាង ម៉ែន ចេននីក
តារាចម្រៀង និងជាម្ចាស់ផលិតកម្ម BKS លោក ឈុន សុវណ្ណភក្ដី បានរៀបអាពាហ៍ពិពាហ៍ជាមួយ អ្នកនាង ម៉ែន ចេននីក ដែលជាកូនមន្ត្រីយោធាម្នាក់កាលពីថ្ងៃ១៧ ខែ ធ្នូ ឆ្នាំ ២០១៥។ ភក្ដី បានជូនថ្លៃបណ្ណាការទៅក្រុមគ្រួសារខាងស្រីចំនួន ៣ម៉ឺនដុល្លារអាមេរិក ។
២. Vj រតនា និង អ្នកនាង លីម លីហ្សា
លោក ធីនរៈ រតនា ហៅ Vj រតនា បានរៀបអាពាហ៍ពិពាហ៍ជាមួយ អ្នកនាង លីម លីហ្សា ដែលជាតារាសម្ដែងកាលពីថ្ងៃទី២៩ ខែមេសា ឆ្នាំ២០១៦ កន្លងទៅ។ រតនា បានជូនថ្លៃបណ្ណាការទៅក្រុមគ្រួសារខាងស្រីចំនួន ២ម៉ឺនដុល្លារអាមេរិក ។
៣/ កែវ វាសនា និង អ្នកនាង លឹម លីសុគន្ធារី
កែវ វាសនា បានរៀបអាពាហ៍ពិពាហ៍ជាមួយ អ្នកនាង លឹម លីសុគន្ធារី កូនអ្នករកស៊ីចងការប្រាក់ធំមួយនៅឯស្រុក មង្គលបូរី ខេត្ត បន្ទាយមានជ័យ កាលពីថ្ងៃទី១១ ឧសភា ឆ្នាំ ២០១៦ កន្លងទៅ។ តារាចម្រៀងមានកំណើតមកពីខេត្ត កំពង់ឆ្នាំងបានជូនថ្លៃបណ្ណាការទៅ ក្រុមគ្រួសារខាងស្រីចំនួន៤៨ ១៦៨ ដុល្លារអាមេរិក។ តារាចម្រៀងដដែលបញ្ជាក់ថា ចំនួននេះគឺជាលេខហុងស៊ុយមួយ ដែលមនុស្សភាគច្រើនយកតម្រាប់តាម។
៤/ នីឡា និង លោក ផន រង្សី
តារាកំប្លែង នីឡា កូនស្រីរបស់ លោក លោក សុវណ្ណ រិទ្ធី ហៅតា វ៉ិចទ័រ អ្នកផលិតកម្មវិធីនៅស្ថានីយទូរទស្សន៍ CTN បានភ្ជាប់ពាក្យជាមួយ លោក ផន រង្សី ត្រូវជាកូនថៅកែល្ខោន និងជាម្ចាស់ផលិតកម្ម ភី សុគន្ធធី កាលពីថ្ងៃទី១៩ ឧសភា ឆ្នាំ ២០១៦កន្លងទៅ។ ក្រុមគ្រួសារខាងប្រុសបានជូនថ្លៃបណ្ណាការទៅ ក្រុមគ្រួសារខាងស្រីចំនួន ៣ម៉ឺនដុល្លារអាមេរិក ។ តាមការលើកឡើងរបសតា វ៉ិចទ័រ ដោយសារតែអ្នកទាំងពីរនៅក្មេងពេក នីឡា និង ផន រង្សី គ្រោងរៀបការប្រហែល៣ឆ្នាំទៀត៕
អត្ថបទ៖ ខុត សីហា