គន្លឹះសាមញ្ញមួយចំនួន អ្នកប្រើ iPhone ដំបូងៗគួរដឹង
- 2016-05-31 13:15:51
- ចំនួនមតិ 0 | ចំនួនចែករំលែក 0
គន្លឹះសាមញ្ញមួយចំនួន អ្នកប្រើ iPhone ដំបូងៗគួរដឹង
ចន្លោះមិនឃើញ
iPhone អាចនិយាយថាជាទូរសព្ទមួយពិបាកប្រើសម្រាប់អ្នកទើបប្រើដំបូង ប៉ុន្តែបើចេះប្រើហើយនោះអ្វីៗនឹងលែងលំបាកទៀតហើយ។ ថ្ងៃនេះសូមបង្ហាញគន្លឹះសាមញ្ញមួយចំនួនដែលអ្នកប្រើ iPhone ដំបូងគួរដឹង៖
១. ប្រើប្រាស់ប៊ូតុង Home សិប្បនិម្មិត
ប៊ូតុង Home ជាប៊ូតុងមួយដែលទទួលរងសំពាធខ្លាំងជាងគេហេតុនេះធ្វើវាឆាប់ខូច ប៉ុន្តែការប្រាស់ប៊ូតុង Home សិប្បនិម្មិតអាចជួយពន្យារ ឬ ទប់ស្កាត់បញ្ហាលើប៊ូតុង Home បាន។ ដើម្បីបើកប៊ូតុង Home សិប្បនិម្មិតឡើងចូលទៅកាន់ Settings → General → Accessibility → AssistiveTouch រួចដំណើរការ AssistiveTouch ជាការស្រេច។ ប៊ូតុង Home សិប្បនិម្មិតនេះអាចបញ្ជាលើកិច្ចការជាច្រើនប្រភេទ ដូចជាបើក Control Center, បន្ថែម/បន្ថយសំឡេង ឬ Lock Screen ទូរសព្ទ ជាដើម។
២. ដំឡើងទំហំអក្សរ
លើ iPhone អាចឲ្យអ្នកបន្ថយ ឬ ដំឡើងទំហំអក្សរបានដោយចូលទៅកាន់ Settings → Display & Brightness → Text Size រួចផ្ដើមកំណត់ទំហំដែលអ្នកចង់បាន។
៣. បិទកុំឲ្យឮសំឡេងពេលវាយអក្សរ
ដើម្បីកុំឲ្យឮសំឡេង តឹកៗ ពេលវាយអក្សរ អ្នកអាចចូលទៅបិទបានតាមរយៈ Settings → Sounds → Keyboard Clicks។
៤. ប្រើ iPhone ជាឧបករណ៍ចែកចាយអ៊ីនធឺណិត
iPhone អាចប្រើប្រាស់ជាឧបករណ៍ចែកចាយអ៊ីនធឺណិតបាន ដោយដំបូងចូលទៅបើកអ៊ីនធឺណិតទូរសព្ទតាមរយៈ Settings – Cellular → Cellular Data។
បន្ទាប់មកទើបចូលទៅបើក Hotspot តាមរយៈ Settings → Personal Hotspot រួចបើក Personal Hotspot ជាការស្រេច។ ដើម្បីអាចឲ្យឧបករណ៍ផ្សេងភ្ជាប់បានត្រូវវាយបញ្ចូលលេងសម្ងាត់។
៥. បិទសំឡេងពេលថតរូប
ដើម្បីកុំឲ្យឮសំឡេងពេលថតរូបគ្រាន់តែបិទសំឡេងតាមរយៈ Control Center ដូចបង្ហាញតាមរូបភាពខាងលើ៕ ចុចអាន៖ បញ្ហាលើ iPhone គិតថាពិបាក តាមពិតស្រួលដោះស្រាយ
ប្រែសម្រួល៖ ហៃ សុខហេង ប្រភព៖ thegioididong