ខ្មែរ-ថៃ ចាប់ដៃគ្នាផ្លាស់ប្ដូរផលិតផលភាពយន្ត

2014-09-18 22:23:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមមន្ត្រី ខ្មែរ-ថៃ និង ផលិតករភាពយន្ត នៃប្រទេសទាំងពីរបានជួបជុំគ្នានៅរាជធានីភ្នំពេញប្រកាសបើកទីផ្សារភាពយន្តទៅវិញទៅមក ដោយនឹងនាំយកភាពយន្តខ្មែរទៅកាន់ប្រទេសថៃ និង ថៃមកកាន់កម្ពុជាវិញ។ ការចាប់ដៃគ្នានេះ ធ្វើឡើងនៅក្នុងពិធីប្រកាសចាប់ដៃគូពាណិជ្ជកម្មរវាងថៃ-កម្ពុជា កម្មវិធីផ្សព្វផ្សាយភាពយន្តថៃ នៅសណ្ឋាគារ សូហ្វីតែល (Sofitel) រាជធានីភ្នំពេញ។

សូមចុចអាន៖ សុខ សោម៉ាវត្តី កុងត្រាតួឯករឿងដំបូងឲ្យផលិតកម្មថ្មី!

លោកស្រី Jiranun Wongmongkol ទីប្រឹក្សាពាណិជ្ជកម្មប្រចាំស្ថានទូតថៃ បានថ្លែងនៅក្នុងអង្គសន្និសីទព្រឹកមិញនេះថា គោលបំណងនៃកម្មវិធីនៅពេលនេះ គឺចង់ជំរុញរឿងថៃមកកាន់ប្រទេសកម្ពុជា ឲ្យកាន់តែច្រើន។ ការជំរុញនេះធ្វើឡើងបន្ទាប់ពីភាពយន្ដថៃ បានស្ងាត់ឈឹងមួយរយៈនៅក្នុងប្រទេសកម្ពុជា។

គេនៅចាំបានថា រាជរដ្ឋាភិបាលកម្ពុជា បានសម្រេចផ្អាកការចាក់បញ្ចាំងគ្រប់ខ្សែភាពយន្ដថៃនៅគ្រប់ស្ថានីយ ទូរទស្សន៍ខ្មែរទូទាំងប្រទេស កាលពីថ្ងៃទី ២៨ ខែ មករា ឆ្នាំ ២០០៣។ ដើមហេតុដែលនាំឲ្យមានការផ្អាកការចាក់បញ្ចាំងរឿងថៃ គឺ រាជរដ្ឋាភិបាលកម្ពុជាបានសម្រេចចិត្តភ្លាមៗ បន្ទាប់ពីប្រជាពលរដ្ឋខ្មែរ ផ្ទុះ ហិង្សាដុតស្ថានទូតថៃប្រចាំកម្ពុជា ដោយសារតារាសម្ដែងថៃម្នាក់បាននិយាយថា ប្រាសាទអង្គរវត្តជាកម្មសិទ្ធរបស់ថៃ។ ប៉ុន្ដែ មួយរយៈចុងក្រោយនេះ គេសង្កេតឃើញថា វត្តមានរឿងថៃបានចាប់ផ្ដើមមានបណ្ដើរៗឡើងវិញហើយ ជាពិសេសផ្ដើមដំបូងតាមរយៈទូរទស្សន៍ប៉ុស្ដិ៍លេខ ៥។

លោក ស៊ិន ចន្ទសាយ៉ា ប្រធាននាយកដ្ឋានភាពយន្ត នៃក្រសួងវប្បធម៌ បានស្វាគមន៍ចំពោះវត្តមានរឿងថៃនៅក្នុងប្រទេសកម្ពុជា។ លោក បាននិយាយប្រាប់អ្នកសារព័ត៌មានថា គេមិនអាចរាំងខ្ទប់បាននោះទេ គឺអាស្រ័យលើទីផ្សារដែលជាអ្នកត្រូវការ ដូច្នេះ ក្រសួងក៏មិនបានកំណត់កូតារឿងថៃប៉ុន្មានរឿង ដែលអាចអនុញ្ញាតឲ្យបញ្ចាំងនៅតាមរោងកុន និង ស្ថានីយទូរទស្សន៍នោះទេ។

លោក ស៊ិន ចន្ទសាយ៉ា ក៏បានបញ្ជាក់ដែរថា វត្តមានរឿង ឬ ភាពយន្តថៃ នៅប្រទេសកម្ពុជានេះអាស្រ័យពីរកត្តា ទី ១ កត្តាពាណិជ្ជកម្ម និង កត្តាយោគយល់។ ម្យ៉ាងប្រទេសថៃ គឺជា ភូមិផងរបងជាមួយ និង ជាមិត្តរបស់កម្ពុជា។

បច្ចុប្បន្ននេះ រឿងភាគថៃមួយចំនួនកំពុងចាក់បញ្ចាំងនៅស្ថានីយទូរទស្សន៍ប៉ុស្តិ៍លេខ ៥ និង ស្ថានីយទូរទស្សន៍ធំៗមួយចំនួនកំពុងស្ថិតនៅក្នុងការចរចា ហើយត្រៀមបញ្ចាំងរឿងថៃផងដែរ។ ប៉ុន្តែ ប្រធាននាយកដ្ឋានភាពយន្តរូបនេះ មិនបានបញ្ជាក់ពីស្ថានីយប៉ុន្មាន ហើយឈ្មោះអ្វីនោះទេ ដែលគ្រោងនឹងចាក់បញ្ចាំងរឿងថៃនៅលើកញ្ចក់ទូរទស្សន៍។

ទន្ទឹមនឹងការនាំយករឿងថៃមកកាន់ទីផ្សារកម្ពុជានោះ នៅក្នុងអង្គសន្និសីទក៏បានប្រកាសនាំយករឿងខ្មែរទៅចាក់បញ្ចាំងគឺរឿង "ស្បែកគង់" របស់ផលិតកម្ម អង្គរ Picture ក្នុងពេលឆាប់ៗនេះ។ នេះជាលើកទី ១ ក្នុងរយៈពេល ៤១ ឆ្នាំហើយដែលថៃបើកទីផ្សារភាពយន្តខ្មែរទៅចាក់បញ្ចាំងនៅក្នុងប្រទេសរបស់ខ្លួន។ នេះជាការលើកឡើងរបស់លោក ប៉ុល វិបូ ផលិតករ និង ជាចាងហ្វាងផលិតកម្ម អង្គរ Picture។

លោក Surapol Maneepong ឯកអគ្គរដ្ឋទូតរងថៃប្រចាំនៅកម្ពុជា បានមានប្រសាសន៍ដែរថា ពិធីប្រកាសចាប់ដៃគូពាណិជ្ជកម្មរវាងថៃ-កម្ពុជា នៅពេលនេះ គឺជា ផ្នែកមួយបង្កើនការពង្រីកទីផ្សារភាពយន្តនៃប្រទេសទាំងពីរ។ ជាក់ស្ដែង រឿង "ស្បែកគង់" របស់ខ្មែរ ដែលនឹងយកទៅចាក់បញ្ចាំងនៅប្រទេសថៃ និង បណ្ដាប្រទេសមួយចំនួន គឺជាផ្នែកមួយធ្វើឲ្យគេស្គាល់កម្ពុជា។ ទន្ទឹមនឹងនេះ កម្មវិធីនេះ នឹងជំរុញភាពរីកចំរើន នៃវិស័យភាពយន្តប្រទេសទាំងពីរឲ្យមានការរីកចម្រើនទាំងក្នុងតំបន់ និង ឈានទៅកាន់ទីផ្សារពិភពលោក៕

អត្ថបទ៖ ប៊ិន ប៊ុណ្ណា

ពាក្យទាក់ទង

ព័ត៌មានកម្សាន្ត

អត្ថបទពេញនិយម

ការសាកថ្មទូរស័ព្ទតាមរយៈមុខងារ Bypass ជួយឱ្យសុខភាពថ្ម នៅល្អ ប្រើប្រាស់បានយូរអង្វែងជាងមុន

ចិន កំពុងសាងសង់ព្រលានយន្តហោះអន្តរជាតិ នៅលើកោះសិប្បនិម្មិត ធំជាងគេ នៅលើពិភពលោក

Pep ការពារ Haaland ក្រោយ១២ប្រកួតចុងក្រោយរកបាន៣គ្រាប់ក្នុងនាមខ្សែប្រយុទ្ធប្រអប់

ក្រុមហ៊ុន KIA CAMBODIA បញ្ចេញរថយន្តទំនើប ប្រភេទ SUV ស៊េរីចុងក្រោយបង្អស់របស់ខ្លួន មានឈ្មោះថា “KIA SONET”

ខ្ញីកាន់តែចាស់កាន់តែហិល! សួន ចាន់ណារ៉ូ ប្រើអស់ក្បាច់នាំក្រុមវាយបកមហាផ្ទៃយកពានរង្វាន់សម្ដេច ស ខេង

Mohamed Salah ជាប់ឈ្មោះក្នុងបញ្ជីអ្នក Assist ច្រើនជាងគេទាំង១០នៅ EPL

អត្ថបទថ្មី

តួអង្គ Spider-Man លោក Tom Holland និង គូស្នេហ៍ ចាប់ដៃគ្នាសម្តែងក្នុងខ្សែភាពយន្តខ្នាតធំ

Iced Latte with Noodle កាហ្វេ លាយមីឆា មីនុយភេសជ្ជៈថ្មី ល្បីនៅឥណ្ឌូនេស៊ី

ដឹងទេ តើភាពយន្តខ្មែរណាដែលឈរឈ្មោះដណ្ដើមពានអូស្ការដំបូងគេក្នុងប្រវត្តិសាស្ត្រ?

ឯកឧត្តមអភិសន្តិបណ្ឌិត ស សុខា៖ ពិតជាមោទកភាពជាខ្លាំងចំពោះសមិទ្ធផលមេដាយនៃក្រុមគ្រួសារកីឡាក្រសួងមហាផ្ទៃ

មកមើលម៉ូត Fashion តារាអាមេរិកល្បីៗ ក្នុងកម្មវិធី កម្រាលព្រំក្រហម ដ៏ធំមួយ នៅទីក្រុង New York