Yoo Chun ក្រុម JYJ ត្រូវគេប្ដឹងរឿងរំលោភមិត្តស្រីគេក្នុងបន្ទប់ទឹក

2016-06-14 16:16:48
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃទី ១០ ខែ មិថុនា Park Yoo Chun សមាជិកក្រុមចម្រៀងកូរ៉េ JYJ បានស្ថិតក្រោមពាក្យបណ្ដឹង ពាក់ព័ន្ធនឹងការរំលោភនារីម្នាក់នៅបន្ទប់ទឹក ក្នុងកន្លែងកម្សាន្តយុវវ័យមួយ ។

នារីដែលចោទ Park Yoo Chun រំលោភមានឈ្មោះថា Lee អាយុ២៤ឆ្នាំជាអ្នកបម្រើការក្នុងកន្លែងកម្សាន្តយុវវ័យនោះ។ តែយ៉ាងណាមិញ មនុស្សដែលទៅដាក់ពាក្យបណ្ដឹងលើ Park Yoo Chunគឺជាមិត្តប្រុសរបស់ Lee ។ ក្នុងពាក្យបណ្ដឹងមិត្តប្រុសរបស់ Lee បានសរសេរថា៖"កាលពីថ្ងៃទី ៣មិថុនា Yoo Chun បានទៅកន្លែងកម្សាន្តយុវវ័យក្នុងនាមជាភ្ញៀវ ហើយ Leeត្រូវបានបង្ខំរំលោភក្នុងបន្ទប់ទឹកដោយ Yoo Chun"។

មិត្តប្រុសដែលមិនបានបង្ហាញឈ្មោះក៏បានបញ្ជូនខោក្នុងនិងសំលៀកបំពាក់ ដែលមិត្តស្រីពាក់ពេលកើតហេតុទៅឲ្យប៉ូលិស ដើម្បីធ្វើជាភស្តុតាង។ មន្ត្រីប៉ូលិសបានប្រាប់ឲ្យដឹងថា ពួកគេនៅរងចាំស្ដាប់ពីអង្គហេតុពីភាគីទាំងសងខាងសិននិងសិក្សាពីភស្តុតាងដែលខាង Leeផ្ដល់ឲ្យនិងមើលតាមកាមេរ៉ាសុវត្ថិភាពមុនពេលសាកសួរ Yoo Chun។

ភាគីខាង Yoo Chunបានចេញមកបដិសេធរឿងទាំងនេះថា៖"នេះជាការចោទប្រកាន់មិនពិតប្រាកដ ដែលភាគីម្ខាងទៀតចង់កេងចំណេញផ្នែកហិរញ្ញវត្ថុ"។ ចំណែកខាងផលិតកម្មរបស់ Yoo Chunបានចេញមកនិយាយថា៖"ទោះ Yoo Chunត្រូវរងគ្រោះដោយរូបភាពបែបនេះក្ដី ពួកយើងមិនចង់ធ្វើការពាក់ព័ន្ធរឿងនេះទេ៕

ចុចអាន៖Junsu ក្រុម JYJ សម្ញែងរថយន្តលំដាប់ទំនើបៗដែលខ្លួនធ្លាប់ជិះ

ប្រែសម្រួល៖ ហេង សុធារិទ្ធិ ប្រភព៖ koreaboo