ខ្មែរមានជំនឿបែបណាទាក់ទងនឹងថ្ងៃឬលោកខែបាំងឆត្រ?

2016-06-14 20:17:34
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅពេលមានបាតុភូតផ្សេងៗខុសប្រក្រតី ខ្មែរតែងមានជំនឿថាមានប្រផ្នូលណាមួយនឹងកើតឡើង ដែលពេលខ្លះជាគ្រោះល្អ ខ្លះជាគ្រោះអាក្រក់។

ជាក់ស្ដែងនៅថ្ងៃនេះ គេឃើញមានថ្ងៃបាំងឆត្ររះធំលើផ្ទៃមេឃផ្អើលមនុស្សម្នាល ដែលក្រឡេកភ្នែកប្រទះនឹងបាតុភាពនេះ ។ សម្រាប់ប្រជាជនកម្ពុជាវិញ មួយចំនួនយល់ថាវាជាប្រផ្នូលមួយ។

ពាក់ព័ន្ធនឹងជំនឿនេះកញ្ញា ចរិយា ប្រាប់ថា បើតាមពុកម៉ែធ្លាប់ប្រាប់ គឺ អ្នកធំមានទុក្ខ។ បុគ្គលិកនៅអង្គការដដែលបន្ថែមថា មិនត្រឹមតែធ្លាប់ឃើញព្រះអាទិត្យបាំងឆត្រធំបែបនេះនោះទេ សូម្បីលោកខែបាំងឆត្រធំក៏កញ្ញាធ្លាប់ឃើញដែរ គឺព្រឺខ្លួនតែម្ដង។

ស្រដៀងគ្នានេះដែរ អ្នកស្រី សូណា ប្រាប់ថា រឿងរ៉ាវជឿលើបារមីព្រះអាទិត្យបាំងឆត្រនេះបើតាមចាស់ៗតំណាល គឺអ្នកធំឬព្រះរាជានឹងមានបញ្ហាណាមួយពិបាកចិត្ត។ តែការពិតឬយ៉ាងណា អ្នកស្រីមិនច្បាស់ទេ គ្រាន់តែតាមការចំណាំកន្លងមកដូចជាត្រូវខ្លះៗដែរ។

ស្ត្រីអាយុខ្ទង់៦០ឆ្នាំរូបនេះបន្តថា កាលអ្នកស្រីនៅក្មេងៗឃើញព្រះអាទិត្យបាំងឆត្រធំបែបនេះម្ដងដែរ ហើយក្រោយមកស្រុកទេសចលាចលរឿងលោកលន់ណុលធ្វើរដ្ឋប្រហារ។ មួយទៀតអំឡុងឆ្នាំ២០១១ ក៏មានលោកខែបាំងឆត្រធំមួយផងដែរ ស្របពេលសម្ដេចក្រុមព្រះចង់យាងមកឆាកនយោបាយវិញ។ ដោយឡែកក្នុងឆ្នាំ២០១៣ មានបាតុភូតថ្ងៃបាំងឆត្រកណ្ដាលផ្ទៃមេឃ នៅពេលក្រុមបាតុករជួបជុំគ្នានៅទីលានប្រជាធិបតេយ្យ។

យ៉ាងណានេះគ្រាន់ជាជំនឿប៉ុណ្ណោះ។ តែបើតាមការឲ្យដឹងពីវិទ្យុ Earth Skyផ្សាយពីវិទ្យាសាស្ត្រនិងធម្មជាតិនៃសហរដ្ឋអាមេរិកបានឲ្យដឹង ថា បាតុភូតបែបនេះកើតឡើងពី ពពកស្បៃ (cirrus clouds) ដែលជាញឹកញាប់គេឃើញវាកើតមានជាសញ្ញាមុនពេលព្យុះកើតឡើង ខិតជិតមកដល់។

ពពកស្បៃនោះមានផ្ទុកគ្រីស្តាល់ដូចទឹកកកតូចល្អិតៗរាប់ លាន ដែលបណ្ដាលឲ្យមានដំណើរងាកនៃកាំរស្មី ឬកើតមានចំណាំងប្លាតពេលពន្លឺនៃព្រះអាទិត្យឬព្រះចន្ទចាំងមក បង្កើតជាបាតុភូតនេះឡើង៕

អត្ថបទ៖ លឹម សុនា

ពាក្យទាក់ទង

អបិយជំនឿ

អត្ថបទពេញនិយម

ព្យាករណ៍អាកាសធាតុ! ខែក្រោយនេះ កម្ពុជានឹងមានមានភ្លៀងធ្លាក់ហើយ

បើអត្តសញ្ញាណប័ណ្ណ របក ខូច ឬផុតសុពលភាព អាចទៅធ្វើថ្មីនៅទីតាំងមួយនេះបាន

ការចេញមុខរបស់នាយិកា ADOR មិនបានស្រង់ស្ថានភាពឲ្យប្រសើរ តែដូចធាក់ខ្លួនឯងធ្លាក់រណ្ដៅជ្រៅលើសដើម

ដឹងទេ! បច្ចុប្បន្ន កម្ពុជា កំពុងសម្រុកសាងសង់ស្ពានធំៗចំនួន៣

អ្នកបង់លុយជាសាច់ប្រាក់សុទ្ធលើផ្លូវល្បឿនលឿន នឹងត្រូវគិតតម្លៃដើមវិញ ចាប់ពីដើមខែក្រោយ! ចុះអ្នកប្រើ ETC និង ANPR?

ផ្លូវជាតិលេខ៧ ពី រង្វង់មូលស្គន់ ដល់ស្ពានគីហ្ស៊ូណា ដែលសាងសង់ពង្រីកដល់៤គន្លង សម្រេចបានប៉ុនណាហើយ?

អត្ថបទថ្មី

ដំណើរកម្សាន្តរ៉ូមែនទិកច របស់គូស្នេហ៍ជាមួយ CORNETTO

ដៃធ្លាប់កាន់ម៉ៃក្រូស្រែកច្រៀងលើឆាក បច្ចុប្បន្ន Celine បានត្រឹមសំងំព្យាបាលជំងឺកម្រជាមួយក្ដីសង្ឃឹម

ចូលរួមគាំទ្រទាំងអស់គ្នា! ការប្រកួតប្រដាល់ស្វែងរកថវិកាជួយកុមារកំព្រា ថ្ងៃទី១០ ឧសភា ២០២៤

ធ្វើលិខិតថ្កោលទោសតាមអនឡាញដំណាក់កាលទី២ ចាប់ពីខែក្រោយ នឹងកាន់តែងាយស្រួលរហ័សជាងមុនទៀត

បែកគ្នា ២៥ឆ្នាំ ទើបជួបក្នុងវ័យជ្រេរៀងៗខ្លួន ក្នុងឆ្នាំ២០២៤ ប៉ុន្ដែម៉ាក់ថឺង និងមើយចឺយ នៅតែផ្អែមល្ហែម