Samsung ជះលុយ ៦,៨ ពាន់លានដុល្លារលើផលិតកម្មអេក្រង់ OLED សម្រាប់ iPhone

2016-06-20 16:42:37
ចំនួនមតិ 0 | ចំនួនចែករំលែក 0

ចន្លោះមិនឃើញ

យោងតាមការរាយការណ៍របស់សារព័ត៌មាន Nikkei ឲ្យដឹងថា ក្រុមហ៊ុន Samsung គ្រោងចំណាយទឹកប្រាក់ប្រមាណ ៦,៨ ពាន់លានដុល្លារ បង្កើនផលិតកម្មអេក្រង់ OLED ដើម្បីត្រៀមផ្គត់ផ្គង់ឲ្យ Apple សម្រាប់ប្រើលើ iPhone នៅឆ្នាំក្រោយ។

រូបរាងគំរូ

ការបណ្ដាក់ទុនដ៏ច្រើនលើសលប់នេះអាចឲ្យ Samsung បង្កើនផលិតកម្មអេក្រង់ OLED បានដល់ ៥០% ឬ ២០០ លានអេក្រង់ក្នុងមួយឆ្នាំ ដោយបច្ចុប្បន្ននេះក្រុមហ៊ុនអាចផលិតអេក្រង់បាន ៣០០ លានបន្ទះក្នុងមួយឆ្នាំ។

សារព័ត៌មានខាងលើឲ្យដឹងទៀតថា Samsung នឹងផ្គត់ផ្គង់អេក្រង់ OLED ទំហំ ៥,៥ អ៊ីញ ចំនួន ១០០ លានបន្ទះទៅឲ្យក្រុមហ៊ុន Apple ចាប់ផ្ដើមពីឆ្នាំក្រោយទៅ។

ក្រៅពី Samsung នៅមានក្រុមហ៊ុន LG Display និង JDI ជាដៃគូផ្គត់ផ្គង់អេក្រង់ OLED មួយភាគតូចសម្រាប់ iPhone ដែលនឹងបង្ហាញវត្តមានឆ្នាំក្រោយផងដែរ។

បច្ចុប្បន្ននេះក្រុមហ៊ុនទូរសព្ទធំៗជាច្រើនបានបង្វែរមកប្រើអេក្រង់ប្រភេទ AMOLED ដោយសារតែវាអាចបង្ហាញរូបភាពបានល្អ ហើយតម្លៃរបស់អេក្រង់ប្រភេទនេះក៏លែងថ្លៃដូចពីមុនទៀតដែរ៕

ចុចអាន៖ iPhone 7 អាចមានស៊ីម២ និងទំហំ 256GB

ប្រែសម្រួល៖ ហៃ សុខហេង ប្រភព៖ SamMobile