ការពិតដ៏អស្ចារ្យពីរោងចក្រឡានថ្លៃ ៥ ពាន់លានដុល្លាររបស់ Tesla

2016-06-28 13:10:47
ចំនួនមតិ 0 | ចំនួនចែករំលែក 0

ចន្លោះមិនឃើញ

Gigafactory ជារោងចក្រដ៏ធំមហិមាមួយរបស់ក្រុមហ៊ុនរថយន្ត Tesla ដែលបានចាប់ផ្ដើមសាងសង់តាំងពីខែមិថុនា ឆ្នាំ ២០១៤ ដោយគ្រោងបង្ហើយឲ្យរួចស្រេចនៅឆ្នាំ ២០១៧។ ទាក់ទងនឹងរោងចក្រនេះមានការពិតដ៏អស្ចារ្យជាច្រើន ដែលអ្នកនឹកស្មានមិនដល់។

-រោងចក្រនេះសង់លើផ្ទៃដីទំហំជាង ១២០០ ហិចតា ឬ ស្មើនឹង ១២គីឡូម៉ែត្រការ៉េ ដែលមានទីតាំងនៅតំបន់ Storey County រដ្ឋ Nevada សហរដ្ឋអាមេរិក។

-ចំពោះរោងចក្រវិញមានទំហំដល់ទៅជាង ៥១០ ០០០ម៉ែត្រការ៉េ ឬ ស្មើនឹង ៦០ ហិចតា ឬក៏អាចស្មើនឹងទីលានបាល់ទាត់ចំនួន ៩៥។

-រោងចក្រនេះសង់ឡើងដោយគ្រឹះចំនួន ៤ ផ្សេងគ្នា ដែលវាអាចជួយទ្រាំទ្រនឹងគ្រោះរញ្ជួយដីបាន ហើយការសង់គ្រឹះទាំងបួននេះឡើងត្រូវចំណាយអស់ប្រមាណ ១៦ លានដុល្លារ។

-Tesla មានគោលដៅថានឹងប្រើប្រាស់តែថាមពលបានពីធម្មជាតិដើម្បីដំណើរការរោងចក្រ ដូចជាថាមពលបានពីពន្លឺព្រះអាទិត្យតាមរយៈបន្ទះសូឡារ ,ថាមពលបានពីកម្ដៅផែនដី និងបានពីកម្លាំងខ្យល់ជាដើម។

-រោងចក្រនឹងមានអាងសម្រាប់ស្ដុកទឹក ដែលអាចស្តុកបានដល់ ៥,៦៧ លានលីត្រ។

-Tesla មានបំណងថានឹងផលិតរថយន្តឲ្យបាន ១ លានគ្រឿងក្នុងមួយឆ្នាំ ហេតុនេះនឹងធ្វើឲ្យរោងចក្រនេះក្លាយជារោងចក្រផលិតអាគុយអ៊ីយ៉ុងលីចូមធំជាងគេក្នុងលោក។

-ទឹកប្រាក់ ៥ ពាន់លានដុល្លារនឹងត្រូវចំណាយលើការសង់រោងចក្រនេះ ដោយ ២ ពាន់លានដុល្លារជាការចំណាយរបស់ក្រុមហ៊ុន Tesla ហើយ ៣ ពាន់លានដុល្លារទៀតជាការចំណាយរបស់ដៃគូសហការ។