បេសកកម្មអវកាសដ៏ធំប្រចាំឆ្នាំរបស់ណាសា នឹងចាប់ផ្ដើមព្រឹកស្អែកទាបភ្លឺ
- 2016-07-04 19:01:45
- ចំនួនមតិ 0 | ចំនួនចែករំលែក 0
បេសកកម្មអវកាសដ៏ធំប្រចាំឆ្នាំរបស់ណាសា នឹងចាប់ផ្ដើមព្រឹកស្អែកទាបភ្លឺ
ចន្លោះមិនឃើញ
នាវេលាព្រឹកទាបភ្លឺថ្ងៃអង្គារស្អែកនេះបេសកកម្មអវកាសដ៏ធំប្រចាំឆ្នាំមួយនឹងកើតមានឡើង ដោយយាន Juno របស់ណាសាគ្រោងនឹងរំកិលខ្លួនចូលទៅក្នុងគន្លងគោចររបស់ភពព្រហស្បតិ៍។
នៅពេលដែលយាន Juno ខិតចូលទៅកាន់គោលដៅនាពេលដ៏ខ្លីខាងមុខនេះ ទំនាញដ៏ខ្លាំងរបស់ភពព្រហស្បតិ៍ នឹងបង្កើតល្បឿននៃយានឲ្យលើសពី ២៤១ ០០០ គ.ម/ម៉ ធ្វើឲ្យ Juno ក្លាយជាវត្ថុធ្វើដោយមនុស្សមានល្បឿនលឿនជាងគេ។
ក្រោយមកទៀតនៅពេលយានឈានដល់ល្បឿនអតិបរមា ២៦៦ ០០០ គ.ម/ម៉ យាន Juno នឹងចាប់ផ្ដើមបញ្ឆេះម៉ាស៊ីនរបស់វារយៈពេល ៣៥ នាទី ដើម្បីបន្ថយល្បឿន។ ប្រសិនបើអ្វីៗប្រព្រឹត្តទៅដូចការគ្រោងទុកនោះ នឹងធ្វើឲ្យ Juno ចូលទៅក្នុងគន្លងគោចរដែលនៅជុំវិញភពព្រហស្បតិ៍។
យាន Juno នឹងធ្វើដំណើរលើគន្លងនោះរយៈពេល ១៨ ខែ ដើម្បីផ្ដល់ព័ត៌មានអំពីកម្លាំងដែនទំនាញ និង កម្លាំងដែនម៉ាញេទិចដ៏ខ្លាំងរបស់ ភពព្រហស្បតិ៍។
យ៉ាងណាក្ដីប្រសិនមានបញ្ហាណាមួយកើតឡើង នោះយាន Juno នឹងហោះផុតភពព្រហស្បតិ៍ ចូលទៅក្នុងលំហអាកាសដ៏ជ្រៅ គ្មានថ្ងៃវិលត្រឡប់ឡើយ។ បញ្ជាក់ថាយាន Juno បានធ្វើដំណើរអស់រយៈពេលជិត ៥ ឆ្នាំមកហើយទម្រាំមកដល់ភពព្រហស្បតិ៍នេះដើម្បីសិក្សាពីវា ហើយផែនការនេះចំណាយអស់ទឹកប្រាក់ ១,១៣ ពាន់លានដុល្លារ៕
ចុចអាន៖ ចិន ដើរមុខ អាមេរិក ចាក់សាំងឲ្យផ្កាយរណបជោគជ័យ នៅអវកាស
ប្រែសម្រួល៖ ហៃ សុខហេង ប្រភព៖ ScienceAlert
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
