ចិនចាប់ផ្ដើមផលិតឡានក្រុងដ៏ទំនើប នៅសប្ដាហ៍នេះ

2016-07-06 18:37:37
ចំនួនមតិ 0 | ចំនួនចែករំលែក 0

ចន្លោះមិនឃើញ

រថយន្តក្រុងដ៏ទំនើបរបស់ចិនដែលទទួលបានការចាប់អារម្មណ៍ខ្លាំងពីមហាជនជាច្រើនកាលពីពេលកន្លងទៅ នឹងចាប់ផ្ដើមផលិតឡើងនៅក្នុងសប្ដាហ៍នេះហើយ។

ក្រុមហ៊ុន Jinchuang Corp ដែលមានទីតាំងនៅខេត្ត Jiangsu ប្រទេសចិននឹងជាអ្នកផលិតរថយន្តក្រុងនេះឡើង។ តាមសម្ដីលោក Song Youzhou មេផ្នែកវិស្វករនៃគម្រោងការនេះបាននិយាយថា៖ "ផ្នែកខ្លះនៃរថយន្តនឹងធ្វើឡើងពីកញ្ចក់ ដើម្បីកុំឲ្យអ្នកដំណើរមានអារម្មណ៍ដូចជាប់ឃុំ"។ លោកបានបន្ថែមទៀតថាឡានក្រុង នឹងអាចដឹកមនុស្សបានដល់ ១ ២០០ នាក់ ហើយដំណើរការដោយអគ្គិសនីទាំងស្រុង។

យោងតាមវិបសាយ Global Times ឲ្យដឹងថាប្រព័ន្ធឡានក្រុងដ៏ទំនើបរបស់ចិនដែលមានឈ្មោះកាត់ថា TEB នេះមានតដោយភ្ជាប់ឡានចំនួនបួន ដោយមួយគ្រឿងមានបណ្ដោយ ២២ ម៉ែត្រ, ទទឹង ៧,៨ ម៉ែត្រ និង កម្ពស់ ៤,៨ ម៉ែត្រ។ TEB ត្រូវបានគេកំណត់ថានឹងរត់សាកល្បងជាលើកដំបូងនាអំឡុងខែសីហាខាងមុខនេះ៕

ចុចអាន៖ ចិននឹងប្រើតេឡេស្កុបយក្ស ស្វែងរកជីវិតក្រៅភព នៅខែកញ្ញាខាងមុខ

ប្រែសម្រួល៖ ហៃ សុខហេង ប្រភព៖ shanghaiist