ដងវិថីទីក្រុងសិង្ហបុរីក្លាយជាទីលាន អ្នកស្វែងរកភាពរំភើបការបើកបររថយន្ត Porsche

2016-07-08 21:02:05
ចំនួនមតិ 0 | ចំនួនចែករំលែក 0

ចន្លោះមិនឃើញ

លើដងវិថីដ៏មមាញឹកក្នុងប្រទេសសិង្ហបុរី បានក្លាយជាទីលានដ៏រំភើបសម្រាប់ក្រុមអ្នកសារព័ត៌មានមកពីតំបន់អាស៊ី ក្នុងការចូលរួមកម្មវិធីបើកបរសាកល្បងជាមួយកំពូលរថយន្តម៉ូដែលថ្មីចុងក្រោយរបស់ក្រុមហ៊ុន Porsche។

pors-ggg

អ្នកសារព័ត៌មានមកពីច្រើនប្រទេសមានដូចជាថៃ ឥណ្ឌូណេស៊ី ម៉ាឡេស៊ី វៀតណាម កម្ពុជា តៃវ៉ាន់ បានចំណាយពេលពេញមួយថ្ងៃលើចម្ងាយផ្លូវរាប់សិបគីឡូម៉ែត្រ ដើម្បីស្វែងរកបទពិសោធន៍ការបើកបរដ៏អស្ចារ្យជាមួួយកំពូលរថយន្ត 911 Carrera S ជុំវិញទីក្រុងដ៏ស្រស់ឆើតឆាយរបស់ប្រទេសសិង្ហបុរី។

មុនចាប់ផ្តើមការសាកល្បងដ៏រំភើប ក្រុមការងាររបស់ក្រុមហ៊ុន Porsche បានបង្ហាញពីបច្ចេកទេសបើកបរខ្លះៗ ក៏ដូចជាការណែនាំពីច្បាប់ចរាចរណ៍នៅប្រទេសសិង្ហបុរី សម្រាប់អ្នកចូលរួមស្វែងយល់បន្ថែមដើម្បីសុវត្ថិភាពពេលបញ្ជាយានជំនិះ។

គ្រាន់តែឈានចូលទៅខាងក្នុងរថយន្ត ទទួលអារម្មណ៍ផាសុកភាព។ 911 Carrera S មានភាពប្រណិតពីក្នុងដល់ក្រៅ។ កៅអីអ្នកបើកបររចនាបែបស្ព័ររំលេចភាពឡូយឆាយ ស័ក្ដិសមកំពូលរថយន្តលំដាប់ High Class។

ខាងក្នុងមានប្រព័ន្ធបច្ចេកវិទ្យាទំនើប ដែលរថយន្តធម្មតាមិនអាចប្រជែងបាន។ នៅលើដៃចង្កូត មានមុខងារបញ្ជាកម្មវិធីផ្សេងៗ និងដំបូលអាចបិទបើកដោយប្រើប្រាស់ប្រព័ន្ធអេឡិចត្រូនិក។

porsg

អ្នកអាចបញ្ជាស្ថានភាពបើកបរលក្ខណៈស្ព័រ ឬធម្មតា តាមស្ថានភាពផ្លូវ។ ការបើកបរក្នុងល្បឿនលឿន 911 Carrera S មិនចាញ់ខ្យល់ មានភាពលំនឹងបានល្អ។ ចំណែកការបើកបរក្នុងស្ថានភាពផ្លូវកោងបត់បែនខ្លាំងមិនរេគ្រវីគ្រវាត់ ជាមួយប្រព័ន្ធហ្រ្វាំងមានប្រសិទ្ធភាពខ្ពស់ដោយបច្ចេកវិទ្យា PCCB។

រថយន្តមានបំពាក់ប្រព័ន្ធនាំផ្លូវ ដែលអាចឲ្យអ្នកបើកបរកំណត់គោលដៅដែលចង់ធ្វើដំណើរ ដោយមានការណែនាំជាសម្លេងទៀតផង។

911 Carrera S ស្ថិតនៅក្នុងរថយន្តលំដាប់ខ្ពស់ទាំងការឌីហ្សាញរូបរាងនិងលក្ខណៈបើកបរ។ រថយន្តប្រភេទស្ព័រនេះ បំពាក់កម្លាំងម៉ាស៊ីន 3.0L ប្រភេទ Twin-Turbor អាចបង្កើនល្បឿនរត់ពី ០ ទៅ ១០០ គីឡូម៉ែត្រប្រើពេល ៤.៨ វិនាទីប៉ុណ្ណោះ និងអាចបើកបរក្នុងល្បឿនអតិបរមា ៣០៦ km/h។ កម្រិតស៊ីសាំងវិញ ១០០ គីឡូម៉ែត្រ អស់ប្រហែល ៦ ទៅ ៧ លីត្រ។

pjjj

សម្រាប់ព័ត៌មានបន្ថែមពីរថយន្តម៉ូដែលថ្មីនេះ ប្រិយមិត្តអាចទាក់ទងក្រុមហ៊ុន Precision Cars Cambodia ដែលជាក្រុមហ៊ុនទទួលសិទ្ធនាំចូលនិងចែកចាយផ្លូវការរថយន្ត Porsche របស់អាល្លឺម៉ង់នៅក្នុងប្រទេសកម្ពុជា៕