Man City ក្រហើយកូនឈឺទៀត មុនប៉ះ Man Utd
- 2014-10-30 22:02:27
- ចំនួនមតិ 0 | ចំនួនចែករំលែក 0
Man City ក្រហើយកូនឈឺទៀត មុនប៉ះ Man Utd
ចន្លោះមិនឃើញ
សម្ពាធរបស់ក្រុមមេឃខៀវ Manchester City កាន់តែធ្ងន់ថែមទៀតហើយ ដោយសារកីឡាករសំខាន់មួយចំនួនចាប់ផ្ដើមមានរបួសដូចជា David Silva និង Yaya Toure ជាដើម នៅមុនពេលជួបគូប្រជែងរួមក្រុង បិសាចក្រហម Manchester United ថ្ងៃអាទិត្យចុងសប្ដាហ៍នេះ។
David Silva និង Yaya Toure សុទ្ធតែរងរបួសកាលពីប្រកួតជាមួយ Newcastle យប់មិញនេះដូចគ្នា ពោលគឺ Silva របួសជើងខាងឆ្វេង ឯ Toure មានបញ្ហាក្រលៀន។ អ្នកចាត់ការ Manuel Pellegrini បាននិយាយថា៖ “David Silva របួសត្រង់ជង្គង់របស់គេ យើងនឹងដឹងនៅល្ងាចថ្ងៃព្រហស្បតិ៍នេះថារបួសគេខ្លាំងប៉ុណ្ណា។ ប៉ុន្តែ Yaya វិញរបួសរបស់គេមិនជាខ្លាំងអីនោះទេ ប្រហែលជាអាចលេងបានពេលប៉ះ Man Utd។ យើងនឹងព្យាយាមឱ្យអស់លទ្ធភាពដើម្បីលេងឱ្យដូចដើមវិញ ព្រោះឥឡូវនេះយើងលេងមិនសូវល្អនោះទេ”។
Manchester City គិតចាប់ពីបើករដូវកាលថ្មីនេះមកលេងដូចជាមិនសូវល្អនោះទេ ដោយនៅ Barclays Premier League ក្រុមការពារតំណែងជើងឯកមួយនេះឈរនៅលេងរៀងទី៣ រីឯនៅ Champions League វិញក្រុមនេះនៅក្នុងពូល E មាន២ពិន្ទុ ចាញ់ Bayern Munich ដែលមាន(៩ពិន្ទុ) និង Roma មាន(៤ពិន្ទុ)។ ម្យ៉ាងវិញទៀតម្ចាស់ការពារតំណែងជើងឯកពានរង្វាន់ Capital One Cup មួយនេះ កាលពីយប់មិញក៏ត្រូវក្រុមសារិកាព្រៃ Newcastle ទម្លាក់បាត់ទៅហើយដែរ៕
ចុចមើលវីដេអូសារិកាព្រៃ ទម្លាក់ជើងឯកចាស់ Man City យប់មិញ
ប្រែសម្រួល៖ មុន្នី រម្យ
ប្រភព៖.dailymail