គូស្នេហ៍ស្ម័គ្រស្មោះរួមរស់ជាមួយគ្នាបានដល់៩៦ឆ្នាំ ទោះគ្មានលុយតែមានក្ដីសុខ
- 2016-07-10 17:47:22
- ចំនួនមតិ 0 | ចំនួនចែករំលែក 0
គូស្នេហ៍ស្ម័គ្រស្មោះរួមរស់ជាមួយគ្នាបានដល់៩៦ឆ្នាំ ទោះគ្មានលុយតែមានក្ដីសុខ
ចន្លោះមិនឃើញ
គូស្នេហ៍ស្ម័គ្រស្មោះមួយគូមកពីភូមិមួយក្នុងប្រទេសចិនបានធ្វើឲ្យមនុស្សរាប់ពាន់នាក់រំភើបចិត្ត ដោយបានបន្តរស់នៅជាមួយគ្នាអស់រយៈពេល ៩៦ឆ្នាំ។
លោកយាយ Wei Basao ជាភរិយាអាយុ ១០៣ឆ្នាំបានទៅរស់នៅជាមួយស្វាមីគឺលោកតា Wei Qishou អាយុ ១០២ឆ្នាំ តាំងតែអាយុ ៦ឆ្នាំបន្ទាប់ពីឪពុកម្ដាយរបស់លោកយាយបានស្លាប់។ តាមប្រពៃណីនៅពេលនោះក្មេងស្រីត្រូវគ្រួសារខាងប្រុសយកមកចិញ្ចឹមដើម្បីរៀបការជាមួយកូនប្រុសរបស់គេពេលធំឡើង។
រូបភាពជាច្រើនសន្លឹកពីបណ្ដាញព័ត៌មានចិនបានបង្ហាញពីជីវភាពរស់នៅបែបសាមញ្ញរបស់ប្ដីប្រពន្ធវ័យចំណាស់ទាំងពីរ ក្នុងក្រុងSuqiao ខេត្ត Guangxi។
គ្រួសាររបស់លោកយាយលោកតារស់នៅដោយពឹងផ្អែកលើរបរកសិកម្មតូចតាចប៉ុណ្ណោះ។ ទោះមិនសូវមានលុយកាក់ ប៉ុន្តែលោកយាយនិយាយថាគ្រួសារគាត់ល្អនឹងគាត់ណាស់ ហើយពួកគាត់មិនដែលអត់បាយហូបទេ។ នៅពេលចូលវ័យចំណាស់លោកតា Qishou បានបន្តការងារជាកសិករដដែល ហើយលោកយាយ Basao ជាជាងដេរស្បែកជើង។ ពួកគាត់មានកូនប្រុស៥នាក់ និងកូនស្រីម្នាក់ ដែលតែងមកលេងពួកគាត់ញឹកញាប់ដែរ។ អ្នកភូមិនៅទីនោះបានឲ្យដឹងថា ពួកគាត់ទាំងពីររស់នៅជាមួយគ្នាដោយមានសេចក្ដីសុខតាំងពីដើមម្ល៉េះ ៕
ប្រែសម្រួល៖ វ៉ាន់ថន ប្រភព៖dailymail