សិស្សប្រុស២៨០នាក់ ធ្វើខួបកំណើតឲ្យសិស្សស្រីមានតែម្នាក់ក្នុងមហាវិទ្យាល័យ
- 2016-07-13 23:09:11
- ចំនួនមតិ 0 | ចំនួនចែករំលែក 0
សិស្សប្រុស២៨០នាក់ ធ្វើខួបកំណើតឲ្យសិស្សស្រីមានតែម្នាក់ក្នុងមហាវិទ្យាល័យ
ចន្លោះមិនឃើញ
រូបភាពសិស្សប្រុសមួយក្រុមមានគ្នាប្រមាណ ២៨០នាក់ សហការគ្នាធ្វើខួបកំណើតឲ្យសិស្សនារី ដែលមានតែម្នាក់គត់ក្នុងមហាវិទ្យាល័យ កំពុងទទួលការចាប់អារម្មណ៍ខ្លាំងក្នុងប្រទេសចិន។
សិស្សនារីរូបនេះមានឈ្មោះ Wu Xun រៀនមុខវិជ្ជាវិស្វកម្មសមុទ្រ នៅមហាវិទ្យាល័យ Merchant Marine College ទីក្រុងសៀងហៃ។ កញ្ញា Wu ជាសិស្សនារីតែម្នាក់គត់ក្នុងប្រវត្តិសាស្ត្រនៃមុខវិជ្ជាវិស្វកម្មសមុទ្រក្នុងមហាវិទ្យាល័យនេះ។ សាលាធ្លាប់តែទទួលសិស្សប្រុសឲ្យចូលរៀនប៉ុណ្ណោះ នៅពេលមុនៗ តែប្រភពមិនបានបញ្ជាក់ពីមូលហេតុដែលសិស្សស្រីនេះបានចូលរៀនឡើយ។
ក្នុងអំឡុងពេលប្រារព្ធពិធី សិស្សប្រុសទាំង ២៨០នាក់ បានឈរជាជួរ និងច្រៀងជូនពរចំពោះ Wu សម្រាប់ថ្ងៃខួបកំណើត។ ពួកគេបានរៀបចំនំ Cake ឲ្យ Wu ភ្ញាក់ផ្អើល ដោយរុញតាមរទេះ ទៅឈប់មុខនាងនៅតាមទីធ្លាសាលា។ កញ្ញា Wu បានកាត់នំជា ៨ចំណែក ដើម្បីចែករំលែកជាមួយ ៨ថ្នាក់ក្នុងមហាវិទ្យាល័យខាងលើ។
ក្នុងក្រសែភ្នែកសិស្សរួមថ្នាក់ Wu មិនត្រឹមតែជាសិស្សពូកែទេ ថែមទាំងរឹងមាំ និងមានទំនុកចិត្តលើខ្លួនឯងទៀតផង។ ជាចុងក្រោយ នាងសង្ឃឹមថា នឹងមានសិស្សស្រីច្រើនបន្ថែមទៀតចូលរៀនមុខវិជ្ជា វិស្វកម្មសមុទ្រនាពេលអនាគត៕
ប្រែសម្រួល៖ ឡេង ភារុណ ប្រភព៖ People's Daily