តើគួរលាងសម្អាត ក្នុងរថយន្តរបស់អ្នកឬទេ?

2016-07-14 17:13:37
ចំនួនមតិ 0 | ចំនួនចែករំលែក 0

ចន្លោះមិនឃើញ

សម្រាប់អ្នកប្រើរថយន្តថ្មីមិនសូវជាមានបញ្ហាខ្វល់ខ្វាយច្រើនទេ ផ្ទុយទៅវិញអ្នកដែលប្រើរថយន្តម៉ូដែលចាស់ៗ ឬមួយទឹកអាចមានបញ្ហាច្រើន។ ក្នុងនោះបញ្ហាមួយដែល Sabay ចង់បង្ហាញនោះគឺ ការលាងសម្អាតក្នុងរថយន្ត។

ទាក់ទងនឹងបញ្ហាខាងលើនេះ លោក រតនៈ ម្ចាស់មជ្ឈមណ្ឌលថែទាំរតនៈ ដែលមានផ្តល់សេវាលាងសម្អាតរថយន្ត បានប្រាប់ឲ្យដឹងថា មានមូលហេតុចម្បង២ ដែលអ្នកគួរតែលាងសម្អាត រថយន្តរបស់អ្នក៖

១. ដើម្បីសម្អាតខាងក្នុងរថយន្ត មានកាំញ៉ី (បាតឡាន) ពូករថយន្ត ជញ្ជាំង ដំបូល តាបឡួ៖

ចំពោះរថយន្តដែលជិះច្រើនឆ្នាំ ជាពិសេសរថយន្តដែលបើកបរលើផ្លូវដែលមានដីហុយ ដែលនាំឲ្យមានធូលីតោងជាប់មកជាមួយ ឬដីដែលជាប់ជាមួយស្បែកជើង។ បើតាមបទពិសោធជាច្រើនឆ្នាំក្នុងការលាងសម្អាតរបស់គាត់ រថយន្តខ្លះមានដក់ទឹកនៅបាតផ្នែកខាងក្នុង ដូចនេះវានាំទៅរកការពុកច្រេះបាតឡានជាដើម។ ដូច្នេះ បើអ្នកមិនធ្លាប់សម្អាត មិនបានដឹងថា វាកខ្វក់ត្រង់ណា លុះត្រាតែសម្អាតទើបច្បាស់។

២. ដើម្បីសុខភាពរបស់អ្នក៖ ដូចដែលអ្នកបានដឹងហើយ បើអ្នកបើកកញ្ចក់ ធូលីដីនឹងប៉ើងចូលក្នុងរថយន្តដោយចៀសមិនផុត។ ឯក្នុងរថយន្តរបស់អ្នក គឺបិទជិត ពេលអ្នកបើកម៉ាស៊ីនត្រជាក់ ភាពកខ្វក់នោះនឹងប៉ះពាល់។ ករណីខ្លះទៀតបណ្តាលឲ្យមានក្លិនមិនល្អក្នុងរថយន្ត មិនមានផាសុខភាពពេលជិះក្នុងរថយន្ត។

ប្រភពខាងលើបន្តថា ការលាងសម្អាតមិនមែនគ្រាន់តែយកទឹកសាប៊ូមកលាងសើរៗទេ គឺបក និងដោះលាងដល់បាតខាងក្រោមតែម្តង ដោយសម្អាតជាច្រើនសារ ដាក់ហាលក្រោមកម្តៅថ្ងៃ ផ្លុំខ្យល់សម្ងួតរហូតដល់ស្ងួតល្អ ទើបរៀបបញ្ចូលវិញ។ ក្រោយការសម្អាត អ្នកនឹងមានអារម្មណ៍ថា មានផាសុខភាពជាងមុន។

តើអ្នកធ្លាប់បានលាងសម្អាតផ្នែកខាងក្នុងរថយន្តរបស់អ្នកទេ? បើមានមតិយោបល់ផ្សេងៗ សូមសរសេរនៅខាងក្រោមនេះ។