ច្បាស់ការហើយថា Apple ត្រៀមកាសអត់ខ្សែសម្រាប់ iPhone 7

2016-07-17 18:21:57
ចំនួនមតិ 0 | ចំនួនចែករំលែក 0

ចន្លោះមិនឃើញ

បើក្រឡេកទៅកាលពីខែតុលាឆ្នាំកន្លងទៅគេបានប្រទះឃើញពាក្យស្នើសុំកម្មសិទ្ធិមួយឈ្មោះថា "AirPods” ដែលស្នើសុំដោយក្រុមហ៊ុនឈ្មោះ Entertainment in Flight LCC។

នៅពេលនោះគេមិនទាន់ដឹងនៅឡើយទេថាក្រុមហ៊ុននោះជាក្រុមហ៊ុនអ្វី ប៉ុន្តែបើតាមភស្តុតាងដែលគេប្រទះឃើញថ្មីៗនេះបង្ហាញ ក្រុមហ៊ុនខាងលើជាសម្បកក្រុមហ៊ុនមួយកាន់កាប់ដោយក្រុមហ៊ុន Apple។ ការធ្វើដូចនេះគឺដើម្បីចង់រក្សាអាថ៌កំបាំងផែនការបង្កើតកាសស្ដាប់ត្រចៀកសម្រាប់ iPhone 7។

លើឯកសារដែលប្រទះឃើញថ្មីៗនេះ គេឃើញមានហត្ថលេខារបស់លោក Jonathan Brown ដែលមានតួនាទីជាអ្នកគ្រប់គ្រងនៅក្រុមហ៊ុន Entertainment in Flight LCC។ បើពិនិត្យឲ្យល្អិតល្អន់ឃើញថា Jonathan Brown ជាមនុស្សតែម្នាក់ដែលត្រូវបាន Apple ជួលធ្វើជាអ្នកប្រឹក្សាជាន់ខ្ពស់របស់ខ្លួន។ នេះបើតាមការពិនិត្យលើហត្ថលេខារបស់ Jonathan Brown នៅ Entertainment in Flight LCC និង Jonathan Brown នៅ Apple។

យ៉ាងណាក្ដីគេមិនទាន់អាចបញ្ជាក់បាន ១០០% ទេថា Apple ពិតជានៅពីក្រោយក្រុមហ៊ុននេះឬយ៉ាងណានោះ ប្រសិនបើពិតមែននោះ iPhone 7 ទំនងជាមានកាសអត់ខ្សែឈ្មោះ "AirPods” មកជាមួយនៅក្នុងប្រអប់ជាមិនខាន៕

ប្រែសម្រួល៖ ហៃ សុខហេង ប្រភព៖ RedmondPie, MacRumors