Zlatan រើសលេខ៩ នៅ Man Utd ធ្វើឲ្យ Martial ត្រូវពាក់លេខ១១វិញ
- 2016-07-22 17:15:11
- ចំនួនមតិ 0 | ចំនួនចែករំលែក 0
Zlatan រើសលេខ៩ នៅ Man Utd ធ្វើឲ្យ Martial ត្រូវពាក់លេខ១១វិញ
ចន្លោះមិនឃើញ
សមាជិកថ្មី Zlatan Ibrahimovic បានសម្រេចរើសយកអាវលេខ ៩ នៅ Manchester United ដែលជាលេខរបស់ Anthony Martial ធ្វើឲ្យខ្សែប្រយុទ្ធសញ្ជាតិបារាំងប្ដូរទៅពាក់លេខ១១វិញ។
ខ្សែប្រយុទ្ធវ័យ៣៤ឆ្នាំធ្លាប់ពាក់លេខ ៨, ៩ និង១០ ក្នុងអាជីពរបស់ខ្លួន ប៉ុន្តែលេខទាំង៣សុទ្ធតែមានម្ចាស់ហើយ នៅ Man Utd។ យ៉ាងណាក៏ដោយនៅលើគណនី Instragam កីឡាករ Zlatan បានបង្ហោះរូបអាវលេខ៩ អមជាមួយ ពាក្យមួយឃ្លាថា៖ "ខ្ញុំរើសយកអាវលេខ៩ នៅ Manchester United”។
ការសម្រេចចិត្តរបស់អតីតប្រធានក្រុមជម្រើសជាតិស៊ុយអែតធ្វើឲ្យ Martial ដែលពាក់លេខ៩ត្រូវប្ដូរទៅលេខ១១ ហើយ Rooney នៅរក្សាលេខ១០ ខណៈ Mata នៅតែពាក់លេខ៨ ដដែល។ ដោយឡែកកម្លាំងថ្មី២ រូបគឺ Eric Bailly នឹងពាក់លេខ៣ ហើយ Henrikh Mkhitaryan ពាក់លេខ២២ ស្របពេល លេខ៦ គឺរក្សាទុកឲ្យ Paul Pogba ដែលជាលេខសំណព្វចិត្តរបស់គេនៅ Juventus៕