CLEAR ចាប់ផ្ដើមយុទ្ធនាការដើម្បីលើកកម្ពស់កីឡាបាល់ទាត់កម្ពុជា
- 2016-07-29 21:08:27
- ចំនួនមតិ 0 | ចំនួនចែករំលែក 0
CLEAR ចាប់ផ្ដើមយុទ្ធនាការដើម្បីលើកកម្ពស់កីឡាបាល់ទាត់កម្ពុជា
ចន្លោះមិនឃើញ
ក្លៀរ (CLEAR) ដែលជាសាប៊ូកក់សក់កម្ចាត់អង្គែឈានមុខគេនៅកម្ពុជា កាលពីម្សិលមិញនេះ បានចាប់ផ្ដើមយុទ្ធនាការរបស់ខ្លួនដែលមានឈ្មោះថា "យើងគាំទ្រកម្ពុជា" ដោយមានការប្រកួតមិត្តភាពអន្តរជាតិក្លៀរ រវាងជម្រើសជាតិកម្ពុជា និងសិង្ហបុរី។
វិស័យកីឡាបាល់ទាត់កំពុងមានប្រជាប្រិយភាពខ្លាំងឡើងនៅកម្ពុជា។ កម្ពុជាជឿថា កីឡាបាល់ទាត់របស់ខ្លួនបានកើនឡើងឈានដល់មួយកម្រិតទៀត បន្ទាប់ពីក្រុមជម្រើសជាតិបានទទួលជោគជ័យក្នុងការប្រកួតថ្មីៗកន្លងទៅនេះ។ តាមរយៈយុទ្ធនាការ "យើងគាំទ្រកម្ពុជា" សាប៊ូកក់សក់ក្លៀរ ចូលរួមជាមួយប្រជាជនកម្ពុជារាប់លាននាក់ផ្សេងទៀត ក្នុងការគាំទ្រដល់ក្រុមជម្រើសជាតិកម្ពុជា ដែលខិតខំប្រឹងប្រែងដើម្បីបានក្លាយជាក្រុមខ្លាំងមួយនៅក្នុងតំបន់។
លោក Fredy Ong អភិបាលក្រុមហ៊ុនយូនីលីវើ កម្ពុជា បានថ្លែងថា៖ "សាប៊ូកក់សក់ក្លៀរ តែងចូលរួមគាំទ្រដល់ការប្រកួតរបស់ក្រុមជម្រើសជាតិ ហើយថ្មីៗនេះយើងក៏បានគាំទ្រការប្រកួតបាល់ទាត់ជើងឯក AFF U16 ផងដែរ។ យើងមានបំណងធ្វើយ៉ាងណាឲ្យប្រជាជនកម្ពុជារួមគ្នាគាំទ្រក្រុមជម្រើសជាតិរបស់យើងទាំងការប្រកួតលើកនេះ និងប្រហែលការប្រកួតក្រោយៗទៀត។ ការប្រកួតមិត្តភាពជាមួយក្រុមខ្លាំង ក៏អាចជួយដល់ក្រុមជម្រើសជាតិរបស់យើងឲ្យទទួលបានបទពិសោធន៍ដ៏មានតម្លៃ និងភាពលេចធ្លោផងដែរ"។
លោកបន្ថែមថា៖ "សាប៊ូកក់សក់ក្លៀរ មានមោទនភាពដែលបានសហការជាដៃគូជាមួយសហព័ន្ធកីឡាបាល់ទាត់កម្ពុជា (FFC) នាំមកជូនព្រឹត្តិការណ៍បាល់ទាត់នេះ ហើយយើងសង្ឃឹមថា ភាពជាដៃគូនេះនឹងនាំឲ្យវិស័យកីឡាបាល់ទាត់កម្ពុជាកាន់តែរីកចម្រើនទៅថ្ងៃអនាគត"។
សាប៊ូកក់សក់ក្លៀរ ក៏បានរៀបចំសកម្មភាពកម្សាន្តមួយចំនួនដើម្បីបង្កភាពរីករាយដល់អ្នកចូលរួមទស្សនាជាមួយការលេងហ្គេមបាល់ទាត់បានរង្វាន់ ពិនិត្យសុខភាពស្បែកក្បាល និងចែកជូនសាប៊ូកក់សក់ក្លៀរ សម្រាប់ប្រើសាកល្បង នៅក្នុងពហុកីឡដ្ឋានជាតិអូឡាំពិក។
ជាមួយនឹងយុទ្ធនាការ "យើងគាំទ្រកម្ពុជា" ទាំងអស់នេះនឹងរួមគ្នាគាំទ្រក្រុមជម្រើសជាតិ ហើយវិស័យកីឡាបាល់ទាត់កម្ពុជាច្បាស់ណាស់នឹងរីកចម្រើនកាន់តែខ្លាំងឡើងនាពេលអនាគត៕
អត្ថបទ៖ ពាណិជ្ជកម្ម