៤ចំណុចចងជើងមិត្តប្រុសមិនឲ្យដោះដៃ

2014-09-13 15:20:55
ចំនួនមតិ 0 | ចំនួនចែករំលែក 0

ចន្លោះមិនឃើញ

អូនស្មោះបងស្ម័គ្រ មនុស្សពីរនាក់ស្រលាញ់គ្នាប្រាកដជាចង់រស់ជាមួយគ្នា បានគ្នាជាគូអនាគតមិនខាន តែស្នេហាយុវវ័យមិនមែនងាយស្រួល ដូចការគិតបែបនេះទេ។ ប្រុសដោះដៃ ឯស្រីបែកចិត្ត ហឺ! គិតទៅពេលដែលមានស្នេហាខ្លាចបំផុត អារឿងក្បត់ចិត្តហ្នឹងឯង ជាពិសេសស្រីៗតែម្ដង ដែលត្រូវតែប្រយ័ត្នប្រយ៉ែងខ្លាំងបំផុត ដូចគេថា “ការពារប្រសើរជាងព្យាបាល”។

បើអញ្ចឹងតើនារីៗគួរ តែមានតិចនិកអ្វីខ្លះទៅ ដើម្បីចងចិត្តសង្សាររបស់ខ្លួនមិនឲ្យដោះដៃបាននោះ។ ចុះយុវតីខាងក្រោមបានប្រាប់ពីគន្លឹះអ្វីខ្លះទាក់ទងនឹងបញ្ហា នេះ៖

១.ដាច់ខាតមិនត្រូវឲ្យអង្ករក្លាយជាបាយទេ

កញ្ញា សម្ផស្ស អាយុ២៤ឆ្នាំ ជានិស្សិតឆ្នាំទី៤ នៃសាកលវិទ្យាល័យបញ្ញាសាស្ត្រកម្ពុជា បានបង្ហើបឲ្យដឹងថា ចិត្តមនុស្សពិបាកវាស់ស្ទង់ខ្លាំងណាស់ ស្នេហាក៏ដូចនេះដែរ ទោះជាស្រលាញ់គ្នាប៉ុណ្ណាក៏ដោយ តែបើសិនត្រឹមសង្សារជាមួយគ្នាទេ មិនត្រូវបណ្ដោយឲ្យជ្រុលជ្រួសខ្លួនប្រាណឡើយ។ ប្រុសៗខ្លះចិត្តដូចកន្លង់អញ្ចឹង ប្រយ័ត្នប៉ះចំប្រុសព្រាន ខ្លាចបានប្រាណហើយបោលប្រូចបាត់ទៅ។ ហើយបើសិនជាសង្សាររបស់អ្នកស្រលាញ់អ្នកមែន គាត់នឹងមិនបំពានលើរូបរាងកាយរបស់អ្នកទេ។

(រូបតំណាង)

២. បើអាចភ្ជាប់ពាក្យបានគួរតែគិតគូរឲ្យហើយក៏ល្អដែរ ទោះជាស្ថិតក្នុងដំណាក់កាលត្រឹមតែជាសង្សារ ហើយយល់ចិត្តគ្នាជ្រាលជ្រៅយ៉ាងណាក៏ដោយ តែបើសិនជាសង្សាររបស់អ្នកយល់ព្រម គួរតែនិយាយរឿងភ្ជាប់ពាក្យជាមួយគាត់ឲ្យហើយក៏ល្អម្យ៉ាង ដែរ។ កញ្ញា ហ៊ុល ស្រីណា អាយុ២៣ឆ្នាំ ជាបុគ្គលិកនៃក្រុមហ៊ុនទេសចរណ៍មួយបាននិយាយថា៖ “បើសិនជាស្រលាញ់គ្នាយូរគួរសម ហើយមើលចិត្តគ្នាទៅល្មមថាអាចរស់នៅជាមួយគ្នាបាន ខ្ញុំថាគួរតែពិភាក្សាគ្នារឿងភ្ជាប់ពាក្យ ឬរៀបការឲ្យហើយទៅ។ ធ្វើដូចនេះយើងនឹងអាចដឹងច្បាស់ថា តើសង្សាររបស់អ្នកស្រលាញ់អ្នកស្មោះ ឬក៏អត់”។

៣. គួរណែនាំគាត់ឲ្យស្គាល់គ្រួសាររបស់អ្នកឲ្យហើយ

ដោយ ឡែកកញ្ញា យ៉ាយ៉ា អាយុ២៥ឆ្នាំ អតីតនិស្សិតជំនាញធនាគារ និងហិរញ្ញវត្ថុនៃសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច បានលើកឡើងជុំវិញបញ្ហានេះថា គួរតែណែនាំសង្សារឲ្យបានស្គាល់ សមាជិកគ្រួសារ មិត្តភ័ក្តិ និងអ្នកធ្វើការងារជាមួយគ្នា។ ធ្វើដូចនេះអ្នកទាំងពីរអាចនឹងមានទំនុកចិត្តខ្លាំងជាងមុន។ ហើយប្រសិនបើអាច គួរតែទៅលេងសាច់ញាតិខាងគាត់ផងកាន់តែល្អ ព្រោះបើសិនជាបានចាស់ៗទាំងសងខាងដឹងឮ នោះអ្នកនឹងមិនសូវព្រួយបារម្ភនោះទេ។ ៤. ត្រូវចេះថែរក្សាខ្លួនកុំឲ្យបាក់សម្រស់ មែន ទែនទៅ សម្រស់របស់នារីៗពិតជាសំខាន់ខ្លាំងណាស់ លៃយ៉ាងណានៅក្នុងដំណាក់កាលជាសង្សារនឹងគ្នា មិនត្រូវបណ្ដោយឲ្យរូបសម្ផស្សធ្លាក់ចុះជាដាច់ខាត។ និយាយដល់បញ្ហាសម្រស់នេះ កញ្ញា ពៅ មុន្នីរចនា អាយុ២២ឆ្នាំ និស្សិតឆ្នាំទី៣នៃសាកលវិទ្យាល័យជាតិគ្រប់គ្រង និយាយថា បុរសណាក៏ប្រាថ្នាចង់បានសង្សារដែលមានសម្រស់ស្រស់ស្អាតដែរ អញ្ចឹងបើចង់ចងចិត្តសង្សាររបស់ខ្លួន ត្រូវចេះ update រូបសម្រស់របស់ខ្លួនជានិច្ច។ បើសិនជាធ្វើ៤ចំណុចខាងលើបានមែន ស្នេហារបស់អ្នកច្បាស់ជាមិនសូវប្រឈមនឹងហានិភ័យប៉ុន្មាននោះទេ មើលទៅ!

ចុះប្រិយមិត្តវិញយល់យ៉ាងណាដែរ?

អត្ថបទ៖យិន សំបូរ 