មុខងារពិសេស Note 7 ដែល iPhone មិនអាចធ្វើបាន

2016-08-03 16:13:45
ចំនួនមតិ 0 | ចំនួនចែករំលែក 0

ចន្លោះមិនឃើញ

វត្តមានថ្មីនៃកំពូលស្មាតហ្វូនរបស់ Samsung Galaxy Note 7 បានធ្វើឲ្យអ្នកគាំទ្រពាសពេញពិភពលោកមានការពេញចិត្តយ៉ាងខ្លាំងជាមួយការរចនាថ្មីតាមបែបសម័យទំនើប និងមានបំពាក់នូវបច្ចេកវិទ្យាពិសេសជាច្រើនដែលមិនទាន់មានស្មានហ្វូនម៉ូដែលផ្សេងៗមាន។ បច្ចេកវិទ្យាទាំងនោះមានដូចជា ៖

Iris Scanner ជាបច្ចេកវិទ្យាសុវត្ថិភាពថ្មីបំផុតក្នុងត្រកូល Note ដែលជាមុខងារគ្រប់គ្រងប្រព័ន្ធសុវត្ថិភាពដំណើរការដោយស្កេនប្រស្រីភ្នែក ហើយបច្ចេកវិទ្យានេះមានល្បឿនប្រតិបត្តិការរហ័សជាងបច្ចេកវិទ្យាស្កេនក្រយៅដៃ។

Secure Folder ជាកន្លែងដែលអ្នកប្រើប្រាស់អាចរក្សាទិន្នន័យសំខាន់បានដោយមានសុវត្ថិភាព ព្រោះនេះជាបច្ចេកវិទ្យាដែលក្រុមការងារផ្នែកប្រព័ន្ធសុវត្ថិភាព KNOX របស់ Samsung ជាអ្នកផលិតតែម្ដង។

S Pen Stylus ជាប៊ិចវៃឆ្លាត ដែលមានសមត្ថភាពអាចគូសវាសបានច្បាស់លាស់ និងមានមុខងារ Air Command ថ្មីដែលអាចបកប្រែភាសាបរទេសជាច្រើន ដោយគ្រាន់ដាក់ប៊ិចនៅពីលើពាក្យទាំងនោះ ហើយកាន់តែពិសេស S Pen Stylus អាចប្រែវីដេអូទៅជារូបភាពមានចលនាប្រភេទ GIF។

Screen Off Memo អ្នកប្រើប្រាស់អាចធ្វើការកត់ត្រាក្នុង Memo របស់ Note 7 ដោយមិនចាំបាច់ Unlock Screen នោះទេ គឺគ្រាប់តែដកប៊ិច S Pen មុខងារនេះនឹងដំណើរការដោយស្វ័យប្រវត្ត។

Always-On Display ជាមុខងារសន្សំសំចៃថ្ម ដែលឲ្យអេក្រង់បញ្ចេញតែព័ត៌មានណាដែលសំខាន់សម្រាប់អ្នកប្រើប្រាស់មើលដោយចំណាយពេលតិច ដូចជាការមើលម៉ោង និងថ្ងៃខែជាដើម។

Super AMOLED 2K resolution ជាប្រភេទអេក្រង់ដែលអាចផ្ដល់រូបភាពត្រជាក់ភ្នែក ពណ៌ធម្មជាតិដូចពិតៗ ហើយមានកម្រិតរូបភាពបានច្បាស់ទោះជាមើលពីចម្ងាយ។

កញ្ចក់អេក្រង់ប្រភេទ Gorilla Glass 5 ជាប្រភេទអេក្រង់រឹងមិនងាយឆ្កូតតែស្តើង ហើយ Note 7 ជាស្មាតហ្វូនទី១ ដែលបំពាក់អេក្រង់ប្រភេទនេះ។

មានកម្រិតថាមពលថ្ម 3,500 mAh និងអាចសាកដោយប្រើបច្ចេលវិទ្យាគ្មានខ្សែ អមជាមួយមុខងារបន្ថែមអង្គផ្ទុកទិន្នន័យដល់ 256GB មិនជ្រាបទឹកក្នុងស្តង់ដារ IP68 ជម្រៅ ១, ៥ម៉ែត្រ រយៈពេល ៣០នាទី និងធន់ជាមួយធូលីដីគ្រប់ប្រភេទ៕

អានបន្ត ៖ បិទ Tag លើ Facebook ការពារបែកធ្លាយរឿងសម្ងាត់

ប្រែសម្រួល ៖ រដ្ឋ ប្រភព ៖ bgr