កីឡាការិនី១៨ឆ្នាំ រំពឹងឈ្នះមេដាយមាសអូឡាំពិក វិញ្ញាសាបាញ់កាំភ្លើង

2016-08-03 20:59:55
ចំនួនមតិ 0 | ចំនួនចែករំលែក 0

ចន្លោះមិនឃើញ

Amber Hill កីឡាការិនីបាញ់កាំភ្លើងដ៏ស្រស់ស្អាតវ័យ១៨ឆ្នាំ របស់ជម្រើសជាតិអង់គ្លេស ជាបេក្ខភាពដែលគេព្យាករថា មានភាគរយខ្ពស់ជាងគេ អាចនឹងឈ្នះមេដាយមាសអូឡាំពិកនៅទីក្រុង Rio ខែនេះ ខណៈដែលខ្លួននាងផ្ទាល់ ក៏រំពឹងឈ្នះមេដាយមាសអូឡាំពិកជាលើកដំបូងដូចគ្នា។

Hill ធ្លាប់ឈ្នះមេដាយមាស ក្នុងព្រឹត្តិការណ៍អន្តរជាតិធំចំនួន៣លើកមកហើយ ពោលគឺនាងបានឈ្នះមេដាយមាស ISSF World Cup ២ដងនៅឆ្នាំ (២០១៣, ២០១៥) និងឈ្នះមេដាយមាសក្នុងព្រឹត្តិការណ៍ European Games កាលឆ្នាំមុនផងដែរ។

កីឡាការិនីរូបនេះ បាននិយាយថា៖ "អូឡាំពិកទីក្រុង Rio ខ្ញុំមិនហ៊ានប្រាកដទេ ប៉ុន្តែខ្ញុំត្រូវតែគិតថា ខ្ញុំនឹងបានមេដាយមាស។ ឈ្នះមេដាយមាសនៅ European Games បានធ្វើឲ្យខ្ញុំរំពឹង និងសង្ឃឹមថា ខ្ញុំអាចនឹងធ្វើបានល្អនៅអូឡាំពិក Rio”។

Amber Hill កីឡាការិនីបាញ់កាំភ្លើង

កីឡាការិនី ដែលបាញ់ត្រង់ជាប់កំណត់ត្រាលើលោកកាលឆ្នាំ២០១៣រូបនេះ នឹងត្រូវប៉ះកីឡាការិនីឆ្នើមរបស់អាមេរិក Kim Rhode វ័យ៣៧ឆ្នាំ នៅប្រកួតដំបូង ខណៈដែលកីឡាការិនីរូបនេះធ្លាប់ឈ្នះមេដាយមាសអូឡាំពិក៣ដងរួចមកហើយ ដូច្នេះនេះការប្រកួតប្រជែងដ៏តានតឹងមួយសម្រាប់ Amber Hill៕