អ្នកជំនាញបង្ហាញគន្លឹះទាំង ៩ ជួយឲ្យថតរូបមើលទៅឃើញស្អាត

2016-08-09 21:42:05
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកជំនាញខាងថតរូបឈ្មោះ Roman Zakharchenk ដែលប្រចាំការវិបសាយ Bright Side បានចែករំលែកគន្លឹះពិសេសៗចំនួន ៩ ជួយឲ្យអ្នកមើលទៅកាន់តែស្អាតនៅពេលថតរូប។

@ ព្យាយាមជៀសវាងការថតនៅជ្រុងទាប ៖ ការថតរូបពីជ្រុងទាបធ្វើឲ្យរូបមនុស្សមើលទៅដូចធាត់ខ្លាំង ដោយជម្រើសល្អបំផុតគឺថតត្រឹមកម្រិតភ្នែក។

@ មិនគួរថតពីជ្រុងខ្ពស់ ៖ ការថតពីជ្រុងខ្ពស់ធ្វើឲ្យក្បាលរបស់អ្នកមើលទៅធំជាងខ្លួន មិនស្អាតដូចជាការថតនៅត្រឹមកម្រិតភ្នែកឡើយ។

@ ស្គាល់ពីជ្រុងស្អាតរបស់អ្នក ៖ មនុស្សគ្រប់គ្នាស្ទើរតែមានជ្រុងមួយដែលគិតថាស្អាតជាងគេ ដូចនេះត្រូវស្វែងយល់ពីជ្រុងដែលអ្នកគិតថាស្អាតរួចព្យាយាមប្រើជ្រុងនោះរៀងរាល់ពេលថតរូប។

@ មិនគួរធ្វើថ្ពាល់ខូង ៖ ប្រសិនបើមិនចង់ឲ្យថ្ពាល់របស់អ្នកមើលទៅដូចមានសាច់ពេក កុំព្យាយាមធ្វើថ្ពាល់ខូង គួរណាតែងាកមុខចេញពីកាមេរ៉ាបន្តិច រួចយកអណ្ដាតដាក់ទល់បបូរមាត់លើ។

@ ធ្វើភ្នែកឲ្យស្រឹម ៖ ការបើកភ្នែកធំពេកធ្វើឲ្យអ្នកមើលទៅដូចជាភ្ញាក់ផ្អើលនឹងអ្វីមួយ ប៉ុន្តែបើធ្វើភ្នែកបើកឲ្យរាងតូចបន្តិច នោះធ្វើឲ្យអ្នកមើលទៅពេញដោយការជឿជាក់។

@ កុំចងចិញ្ចើម ៖ ចង់ចិញ្ចើមមិនត្រឹមតែធ្វើឲ្យមើលទៅគួរខ្លាចប៉ុណ្ណោះទេ ប៉ុន្តែថែមធ្វើឲ្យច្រមុះមើលទៅវែងខុសធម្មតា។ វិធីត្រឹមត្រូវគឺសម្លឹងមើលកាមេរ៉ាឲ្យចំ។