ចប់ប្រលងថ្ងៃទី ១ បេក្ខជនត្អូញមុខវិជ្ជា គីមី ហាក់លំបាកបន្តិច

2016-08-23 00:02:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងចំណោមវិញ្ញាសាប្រលងនៅថ្ងៃដំបូងនេះ បេក្ខជនមួយចំនួនត្អូញពីមុខវិជ្ជាគីមីថា ហាក់លំបាកបន្ដិច ប៉ុន្ដែ មុខវិជ្ជាផ្សេងៗគឺធូរ និង ធ្វើបានច្រើនរហូតបង្កើនក្ដីសង្ឃឹមជាប់ចន្លោះពី ៦០-៨០ %។

យុវតី ជុង លីងសុំាង រៀននៅវិទ្យាល័យ បាក់ទូក បានប្រាប់ Sabay ថា ក្នុងចំណោមវិញ្ញាសាទាំងអស់ មានតែមុខវិជ្ជា គីមី ហាក់លំបាកបន្ដិច ប៉ុន្ដែ មុខវិជ្ជាផ្សេងចេញមកធូរ និង ធ្វើបានច្រើន។

យុវតីម្នាក់ទៀតឈ្មោះ សុម៉ាវត្តី បានលើកឡើងដែរថា គីមីហាក់លំបាក តែមុខវិជ្ជាភាសាអង់គ្លេសស្រួលជាងគេ និង សង្ឃឹមជាប់រហូតដល់ ៦០-៨០ %។

យុវជន ណុប រដ្ឋា បានប្រាប់ក្រុមការងារ Sabay ដែរថា ការប្រលងឆ្នាំនេះមិនធូរពេក ហើយក៏មិនតឹងពេក តែគីមីហាក់លំបាកធ្វើជាងគេ។ "ខ្ញុំគីមីមិនសូវចេះតាំងពីដំបូង តែមុខវិជ្ជាផ្សេងខ្ញុំធ្វើបានច្រើន ខ្ញុំសង្ឃឹមជាប់រហូតដល់ ៧០%”។

ការប្រលងបាក់ឌុបនៅថ្ងៃទី ១ បានបិទបញ្ចប់ហើយ ដោយសិស្សានុសិស្សប្រលងបាក់ឌុបនៅភ្នំពេញបានសម្ដែងសុទិដ្ឋិនិយមថា ជាប់ចន្លោះពី ៦០-៨០ % បើទោះការប្រលងបានរឹតបន្តឹងក៏ដោយ៕

សូមចុចអាន៖ វិញ្ញាសាគីមី ជីវៈ ព្រឹកមិញ បេក្ខជនធ្វើមិនពេញទាំងអស់ តែសង្ឃឹមច្រើន

សូមចុចអាន៖ បាក់ឌុប៖ វិន័យតឹង តែវិញ្ញាសាធូរ ព្រឹកមិញ

សូមចុចអាន៖ ទឹកចិត្តម្ដាយ-ឪពុកចំពោះកូនក្នុងថ្ងៃប្រឡង

អត្ថបទ៖ លឹម សុនា