កុំព្យូទ័រដំបូងរបស់ Apple លក់បានតម្លៃជាង ៨០មឺុន ដុល្លារ

2016-08-29 16:24:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ផលិតផលគំរូដើមរបស់កុំព្យូទ័រ Apple 1 ត្រូវបានយកដាក់ដេញថ្លៃ ដោយទទួលបានតម្លៃដល់ទៅ ៨១៥ ០០០ ដុល្លារ ឯណោះ។

សហស្ថាបនិកក្រុមហ៊ុន Apple លោក Steve Jobs និង លោក Steve Wozniak ផលិតកុំព្យូទ័រម៉ូដែលនេះត្រឹមតែ ២០០ គ្រឿងប៉ុណ្ណោះ កាលពីឆ្នាំ ១៩៧៦។ ម៉ូដែលដែលដាក់ដេញថ្លៃនេះមានជាលិខិតបង្ហាញថាវាជាផលិតផលគំរូដើម ដោយទំនងជាប្រើសម្រាប់ធ្វើតេស្ត។

Apple 1 ប្រភេទ "celebration edition" នេះរំពឹងថាអាចដេញថ្លៃបានដល់ ១ លានដុល្លារ ប៉ុន្តែការដេញថ្លៃចុងក្រោយទទួលបានត្រឹម ៨១៥ ០០០ ដុល្លារ ប៉ុណ្ណោះ។ នេះមានន័យថាវាមិនមែនជាកុំព្យូទ័រដែលដេញថ្លៃបានថ្លៃជាងគេឡើយ ដោយកាលពីឆ្នាំ ២០១៤ មាន Apple I មួយម៉ូដែលទៀត ជាប្រភេទដំណើរការបាន អាចដេញថ្លៃបាន ៩០៥ ០០០ ដុល្លារ។

គេជឿថា Apple 1 ប្រភេទ "celebration edition" នេះនៅសល់ត្រឹម ៧០ គ្រឿងប៉ុណ្ណោះ ដែលនៅមានវត្តមានលើលោកនេះ។ Apple 1 ប្រភេទនេះពិសេសជាង Apple 1 ដទៃដោយគ្រឿងបន្លាស់នីមួយៗលើបន្ទះ Board ផ្សារភ្ជាប់ដោយដៃផ្ទាល់៕

ចុចអាន៖ Dell ចេញ Monitor ថ្មីបង្ហាញរូបច្បាស់ត្រជាក់ភ្នែក តម្លៃសមរម្យ

ប្រែសម្រួល៖ ហៃ សុខហេង ប្រភព៖ BBC