បងស្រីកំពូលតារាចម្រៀង Mariah Carey ត្រូវប៉ូលិសចាប់ព្រោះលក់ខ្លួន និងកើតអេដស៍

2016-08-30 20:22:24
ចំនួនមតិ 0 | ចំនួនចែករំលែក 0

ចន្លោះមិនឃើញ

Alison Carey បងស្រីមានផ្ទុកមេរោគអេដស៍របស់តារាចម្រៀងជួរមុខ Mariah Carey ទើបតែត្រូវប៉ូលិសចាប់ពីបទជួញដូរផ្លូវភេទ។

នារីឈ្មោះ Alison Carey វ័យ៥៥ឆ្នាំដែលជាបងស្រីបង្កើតរបស់តារាចម្រៀងល្បីឈ្មោះអាមេរិក Mariah Carey ទើបតែត្រូវបានប៉ូលិសចាប់កាលពីថ្ងៃសុក្រសប្ដាហ៍មុននេះពីបទរកស៊ីផ្លូវភេទ។ នេះបើតាមការរាយការណ៍របស់បណ្ដាញព័ត៌មាន The Daily Freeman។ បងស្រីម្ចាស់បទ "All I Want For Christmas Is You” ត្រូវបានគេចាប់ខ្លួននៅពេលប៉ូលិសបង្កប់ម្នាក់បានក្លែងខ្លួនធ្វើជាអតិថិជនរបស់នាង។

ប៉ូលិសបានរកឃើញស្ត្រីវ័យកណ្ដាលរូបនេះតាមការផ្សាយពាណិជ្ជកម្មខ្លួនឯងរបស់នាងនៅលើអ៊ីនធឺណិត។ ពួកគេក៏បានដាស់តឿនអតិថិជនដែលធ្លាប់បានរួមមេត្រីជាមួយ Alison ទាំងអស់ឲ្យជួសឈាមមើលផងដែរដោយសារនារីរូបនេះកំពុងផ្ទុកមេរោគអេដស៍នៅក្នុងខ្លួន។

Alison នៅពេលនេះកំពុងត្រូវបានឃុំខ្លួននៅតំបន់ Ulster ទីក្រុង New York ដោយតម្លៃធានាចេញក្រៅគឺ១០០០ដុល្លារ។ ទោះបីខ្លួនជាបងស្រីបង្កើតរបស់កំពូលតារាចម្រៀង Mariah Carey ដែលគេប៉ាន់ស្មានថាមានទ្រព្យសម្បត្តិឡើងដល់ ៥១០លានដុល្លារក៏ដោយ តែស្ត្រីវ័យចំណាស់រូបនេះនៅតែរស់នៅក្នុងភាពក្រលំបាក តោកយ៉ាក។

កាលពីខែមីនា កន្លងទៅនេះ ស្ត្រីអាយុ៥៥ឆ្នាំបានផ្ញើវីដេអូទៅកាន់ប្អូនស្រីរបស់ខ្លួនដើម្បីសុំជំនួយខណៈប្រាប់ទៅកាន់បណ្ដាញព័ត៌មាន Daily Mail ថាខ្លួនជិតស្លាប់ហើយ និងត្រូវការប្រាក់កាក់ដើម្បីឲ្យថ្លៃថ្នាំរបស់ខ្លួន៖ "Mariah បងស្រលាញ់អូនខ្លាំងណាស់ ហើយបងពិតជាត្រូវការជំនួយពិតមែន កុំបោះបង់បងចោលដូចនេះ"។ Alision អង្វរ។

គួរបញ្ជាក់ផងដែរថា បងស្រីរបស់ Mariah ធ្លាប់លក់ខ្លួននៅទីក្រុង New York មុនពេលតារាចម្រៀងនេះល្បីឈ្មោះដើម្បីទ្រទ្រង់គ្រួសារ។ ជាអកុសល ក្នុងឆ្នាំ១៩៩៤ អ្នកទាំង២បានមានជម្លោះជាមួយគ្នាបណ្ដាលឲ្យមានការលែងស្ដីរកគ្នាទៀត៕