១នាទី ទៅលេងព្រំដែន អាមេរិក-កាណាដា Niagara Falls ជាមួយ អេនឌី
- 2016-09-01 13:43:37
- ចំនួនមតិ 0 | ចំនួនចែករំលែក 0
១នាទី ទៅលេងព្រំដែន អាមេរិក-កាណាដា Niagara Falls ជាមួយ អេនឌី
ចន្លោះមិនឃើញ
តារាសម្ដែង និងចម្រៀង អេនឌី បានទៅដល់ប្រទេសកាណាដាលើកដំបូងក្នុងឆាកជីវិត កាលពីដើមខែសីហា។ ម្សិលមិញនេះលោកបានធ្វើដំណើរទៅដល់ព្រំដែនប្រទេសកាណដា និងអាមេរិកទៀត ជាទី ដែលលោកអះអាងថា ជាសុបិនមួយរបស់លោក។
អេនឌី នៅ Niagara Falls ព្រំប្រទល់ កាណាដា-អាមេរិក
"បងប្អូនមើលចុះ ស្អាតណាស់ ទីនេះវាដូចជាឋានសួគ៌អីចឹង វាជាសុបិនរបស់ខ្ញុំ ឥឡូវវាក្លាយជាការពិតហើយ"។ អេនឌី ថ្លែង។ ព្រំដែនកាណាដា និងសហរដ្ឋអាមេរិកត្រូវបានខណ្ឌគ្នាដោយទឹកជ្រោះមួយ ដែលគេប្រសិទ្ធនាមថា "Niagara Falls"។
តាមគេហទំព័រ Wikipedia បន្ទាត់ខណ្ឌដែលមានឈ្មោះថា Niagara Falls មានកម្ពស់៥១ម៉ែត្រ ផ្គុំគ្នាដោយទឹកជ្រោះចំនួន៣ គឺ Horseshoe Falls, American Falls និងBridal Veil Falls ក្លាយជាគំនូសពុះញែកប្រទេសទាំងពីរ ត្រង់ខេត្ត Ontario របស់កាណាដា និងទីក្រុង New York សហរដ្ឋអាមេរិក។ តំបន់នេះ បានក្លាយជាគោលដៅទេសចរណ៍ ដ៏សំខាន់មួយរបស់ប្រទេសកាណាដា។
លោក អេនឌី ដែលទើបបានទៅដល់លើកទី១ប្រាប់ថា ឥន្ទនូតែងតែរំលេចសោភណ្ឌស្ទើររាល់ថ្ងៃនៅ Niagara Fallsនារដូវប្រាំង ដែលបានពីការចាំងឆ្លុះគ្នារវាងសន្សើមផ្សែងទឹកជាមួយកាំរស្មីព្រះអាទិត្យ។ "វាស្អាតខ្លាំងណាស់ អោយតែមេឃក្ដៅ មានឥន្ធនូ ហើយ មើលទៅស្អាតមែនទែន សម្រាប់ខ្ញុំដូចជាឋានសួគ៌អីចឹង!"។
មិនដឹងពេលណាបានទៅ អីចឹងទស្សនាតាមវីដេអូអេនឌី សិនទៅប្រិយមិត្ត!
ស្ពាននៅខាងក្រោយ និងឆ្វេងដៃ អេនឌី គឺជាស្ពានឆ្លងចូលរវាងទឹកដីកាណាដា និងសហរដ្ឋអាមេរិក
អត្ថបទ៖ ទារិកា រូបថត៖ ផ្ដល់ដោយ អេនឌី