Bookmebus បង្កើតហ្គេម ស្នើមិនឲ្យដំឡើងថ្លៃឡានឈ្នួល VIP ពេលភ្ជុំបិណ្ឌ

2016-09-13 17:07:21
ចំនួនមតិ 0 | ចំនួនចែករំលែក 0

ចន្លោះមិនឃើញ

Cambodia Post VIP Van, Asia Win Alliance (AWA), Larryta Express , Kimseng Express និង TCT Mondulkiri ជាប្រភេទក្រុមហ៊ុនរថយន្តឈ្នួលដឹកអ្នកដំណើរ VIP ដែលមិនតម្លើងថ្លៃនាឱកាសភ្ជុំបិណ្ឌខាងមុខ ដោយក្រុមហ៊ុនទាំងនេះបានចូលរួមលេងហ្គេម BusPriceChallenge លើកម្មវិធីកក់សំបុត្រឡានតាមអនឡាញ Bookmebus។

លោក ជា ឡង់ដា ស្ថាបនិកកម្មវិធីកក់សំបុត្រឡានតាមអនឡាញ Bookmebus បញ្ជាក់ថាហ្គេម "BusPriceChallenge” ដែលខាងលោកបង្កើត គឺក្នុងគោលបំណងដើម្បីផ្សព្វផ្សាយនិងស្នើសុំដល់ក្រុមហ៊ុនដែលមានសេវាកម្មដឹកអ្នកដំណើរ ឬរថយន្តឈ្នួលទាំងអស់ឱ្យរក្សាតម្លៃដដែល ពោលគឺមិនឱ្យឆ្លៀតឱកាសឡើងថ្លៃពេលបុណ្យទានផ្សេងៗ។

ឡង់ដា បានប្រាប់ថា លោកចង់ឱ្យក្រុមហ៊ុនដឹកអ្នកដំណើរ ឬរថយន្តឈ្នួលទាំងអស់ចូលរួមលេងហ្គេម ឬ Challenge នេះជាមួយលក្ខខណ្ឌងាយៗ គឺ៖

-មានរយៈពេល ៤៨ ម៉ោងដើម្បីឆ្លើយតបការស្នើសុំរបស់ស្ថាបនិក Bookmebus (វីដេអូខាងក្រោម)

-ឆ្លើយតបនឹងសំនួរជាវីដេអូ តើពួកគាត់ដំឡើងថ្លៃសំបុត្រឡានដែរទេ? បើឡើងថ្លៃមូលហេតុអ្វី? បើមិនឡើងថ្លៃ មូលហេតុអ្វី?

-និងចុងក្រោយត្រូវ nominate ក្រុមហ៊ុនពីរទៀត ដែលពួកគាត់ចង់ឱ្យរក្សាតម្លៃថេរ៕