Selena Gomez កាត់ផ្ដាច់ទំនាក់ទំនងទាំងស្រុងជាមួយ Justin Bieber ក្រោយឈ្លោះគ្នាបែកផ្សែង
- 2016-09-16 13:00:47
- ចំនួនមតិ 0 | ចំនួនចែករំលែក 0
Selena Gomez កាត់ផ្ដាច់ទំនាក់ទំនងទាំងស្រុងជាមួយ Justin Bieber ក្រោយឈ្លោះគ្នាបែកផ្សែង
ចន្លោះមិនឃើញ
ដើម្បីកុំឲ្យមានអ្វីទាក់ទងនឹងអតីតមិត្តប្រុសតទៅទៀត តារាចម្រៀងល្បីឈ្មោះអាមេរិក Selena Gomez បានប្ដូរលេខទូរសព្ទថ្មីហើយ។
កាលពីថ្ងៃពុធទី១៤កន្លងទៅនេះ បណ្ដាញព័ត៌មាន UsWeekly បានរាយការណ៍ថាតារាចម្រៀងស្រីហូលីវូដ Selena Gomez បានប្ដូរលេខទូរសព្ទថ្ដើម្បីកុំឲ្យ Justin Bieber ដែលជាអតីតមិត្តប្រុសរបស់ខ្លួននោះទាក់ទងមកទៀត។ ជាមួយនឹងការប្ដូរលេខថ្មីនេះ ម្ចាស់បទ "Same Old Love” ក៏បានសំណូមពរឲ្យមិត្តភ័ក្ដិរបស់ខ្លួនមិនឲ្យប្រាប់លេខថ្មីទៅកាន់តារាប្រុសសម្បូររឿងអាស្រូវនេះជាដាច់ខាត។
មុននោះដែរ Selena និងJustin បានមានជម្លោះជាមួយគ្នាមួយប្រាវដោយតួរឿង "Spring Breakers” បានលើកឡើងថា ស្នេហាជារឿងឯកជន ហើយJustin មិនគួរបង្ហោះរូប Sofia Richie នៅលើ Instagram នោះឡើយ។ យ៉ាងណាក៏ដោយ ក្រោយមក តារាស្រីកើតឆ្នាំ១៩៩២បានចេញមុខសូមទោសនៃទង្វើដែលខ្លួនបានធ្វើ៕
ចុចអាន៖Sofia Richie ប្រាប់ថាខ្លួន និង Justin Bieber មានទំនាក់ទំនងពិសេស
ប្រែសម្រួល៖ សុវណ្ណផៃ ប្រភព៖dailymail