ធនាគារស្រូវកម្ពុជាខេត្តបាត់ដំបង ប្រកាសឲ្យកសិករឈប់លក់ស្រូវក្នុងតម្លៃទាប

2016-09-16 16:44:05
ចំនួនមតិ 0 | ចំនួនចែករំលែក 0

ចន្លោះមិនឃើញ

តាមលិខិតមួយរបស់ក្រុមហ៊ុនធនាគារស្រូវកម្ពុជា ដែលចេញផ្សាយកាលពីម្សិលមិញនេះ បានប្រកាសឲ្យប្រជាកសិករទាំងអស់នៅក្នុងខេត្តបាត់ដំបង ពោធិ៍សាត់ និងបន្ទាយមានជ័យ ឈប់លក់ស្រូវសែនក្រអូបសើម នៅក្នុងតម្លៃក្រោម ៨៤០រៀល ស្មើនឹង ៧បាត ក្នុងមួយគីឡូក្រាម ដោយក្រុមហ៊ុននឹងប្រមូលទិញចាប់ពីតម្លៃ ៨៤០រៀលក្នុងមួយគីឡូក្រាមផ្ទាល់ដល់ស្រែតែម្ដង។

នៅក្នុងលិខិតដដែលបានបញ្ជាក់ថា ការប្រមូលទិញស្រូវក្នុងតម្លៃខាងលើ ដោយសារមានកិច្ចសហការគាំទ្រហិរញ្ញប្បទានពីធនាគារអភិវឌ្ឍន៍ជនបទនៃរាជរដ្ឋាភិបាលកម្ពុជាក្នុងការកាត់បន្ថយ និងទប់ស្កាត់ការធ្លាក់ចុះនៃតម្លៃស្រូវសែនក្រអូបនាពេលបច្ចុប្បន្ននេះ។

ចំពោះកសិករដែលយកស្រូវសែនក្រអូបសើមទៅលក់ដល់ទីតាំងធនាគារស្រូវ ដែលស្ថិតនៅផ្លូវជាតិលេខ៥ ភូមិព្រៃកូនសេក សង្កាត់អូរចារ ក្រុងបាត់ដំបង ខេត្តបាត់ដំបង នឹងទទួលបានតម្លៃ ៩០០រៀល ស្មើនឹង ៧.៥០បាត ក្នុងមួយគីឡូក្រាម។ ចំណែកប្រជាកសិករដែលមិនទាន់ចង់លក់ស្រូវទាំងអស់ ក៏អាចដឹកសម្ងួត និងផ្ញើនៅធនាគារស្រូវបានដែរ៕

អានសេចក្ដីប្រកាសលម្អិតខាងក្រោម៖