“សំនៀងចែងចាំង" រកឃើញអ្នកលេខ១ហើយ!

2014-11-03 18:51:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ឆ្លងកាត់ការប្រកួតប្រជែងយ៉ាងស្វិតស្វាញ កម្មវិធី "សំនៀងចែងចាំង" ដែលមានបេសកកម្មរើសរកតារាចម្រៀងមានសំឡេងល្អ ស្រដៀងគ្នានឹង "The Voice" បានឈានមកដល់វគ្គផ្ដាច់ព្រ័ត្រ និងរកឃើញជយលាភីប្រចាំរដូវកាលទី១របស់ខ្លួនហើយ កាលពីយប់មិញនេះ។

ម្ចាស់ជយលាភីលេខ១ ទូច មករា

ប្រការគួរឲ្យកត់សម្គាល់ គឺម្ចាស់ជយលាភីរបស់ "សំនៀងចែងចាំង" រដូវកាលទី១នេះ សុទ្ធតែជាបេក្ខជន ក្នុងនោះបេក្ខជន ទូច មករា មកពីខេត្តបាត់ដំបង ត្រូវបានជ្រើសជាម្ចាស់ជយលាភីលេខ១ប្រចាំកម្មវិធី ក្រោមការបោះឆ្នោតគាំទ្រដោយមហាជន។ អ្នកលេខ២ បានទៅលើបេក្ខជន ហួន សំអុល មកពីខេត្តកំពត។ ឯចំណាក់ថ្នាក់លេខ៣ បានលើបេក្ខជន សន វិច្ឆិកា មកពីខេត្តតាកែវ។

តាមលក្ខខណ្ឌពីកម្មវិធី ម្ចាស់ជយលាភីទាំង៣ គឺលេខ១ទទួលបានប្រាក់រង្វាន់ចំនួន ២០០០០ដុល្លារសហរដ្ឋអាមេរិក លេខ២ ១០០០០ដុល្លារ និងលេខ៣ ទទួលបានប្រាក់រង្វាន់ចំនួន ៥០០០ដុល្លារសហរដ្ឋអាមេរិក។ បន្ថែមពីលើនេះ ពួកគេទាំងបី ទទួលបានកុងត្រារយៈពេល១ឆ្នាំជាមួយ ផលិតកម្ម Klapyahandz ថែមទៀតផង។

បេក្ខជនលេខ២ ហួន សំអុល

បេក្ខជនលេខ៣ សន វិច្ឆិកា

ពាក់ព័ន្ធនឹងជយលាភីរដូវកាលទី១របស់ "សំនៀងចែងចាំង" នេះ នៅលើបណ្ដាញសង្គមឯណេះ មានការលើកឡើងខ្លះៗថា បេក្ខជនលេខ២ ហួន សំអុល សមជាអ្នកឈ្នះជាង។ ខ្លះទៀត បានបន្ទោសទៅលើប្រព័ន្ធបោះឆ្នោតតាមរយៈ Vote ថាមិនមានភាពសុក្រឹតគ្រប់គ្រាន់ទៀត។(សូមមើលរូបខាងក្រោម)