Samsung ប្រកាស Update Software ថ្មីដោយស្វ័យប្រវត្តិសម្រាប់ Note 7
- 2016-09-21 16:07:28
- ចំនួនមតិ 0 | ចំនួនចែករំលែក 0
Samsung ប្រកាស Update Software ថ្មីដោយស្វ័យប្រវត្តិសម្រាប់ Note 7
ចន្លោះមិនឃើញ
Galaxy Note7 ដែលអតិថិជនកំពុងប្រើប្រាស់នឹងត្រូវ Update ជាមួយ Software ថ្មីដែលអាចសាកថ្មអតិបរិមាបានត្រឹម ៦០% ចាប់ពីថ្ងៃទី ២២ កញ្ញា ២០១៦។ នេះបើយោងតាមសេចក្ដីប្រកាសព័ត៌មានផ្លូវការរបស់ Samsung។
សូមអានសេចក្ដីប្រកាសព័ត៌មានទាំងស្រុងរបស់ Samsung៖
«សាខាក្រុមហ៊ុនថៃ Samsung អេឡិចត្រូនិកប្រចាំកម្ពុជា សូមជម្រាបជូនអតិថិជនដែលកំពុងប្រើប្រាស់ Galaxy Note 7 ទាំងអស់ឲ្យបានជ្រាបថា នៅថ្ងៃទី ២២ កញ្ញា ២០១៦ ទូរសព្ទរបស់អ្នកនឹងត្រូវធ្វើការ update software ថ្មីដោយស្វ័យប្រវត្តិ នៅពេលដែលភ្ជាប់អ៊ីនធឺណិតជាមួយ WiFi ដែលនឹងអនុញ្ញាតិឲ្យសាកថ្មអតិបរិមាបានត្រឹម ៦០%។
ក្រុមហ៊ុនសូមអភ័យទោសចំពោះភាពមិនងាយស្រួលនេះដល់អតិថិជនរយៈពេលប្រមាណ ១០ ថ្ងៃ មុននឹងទទួលបានទូរសព្ទ Galaxy Note 7 ថ្មីនាពេលឆាប់ៗខាងមុខនេះ ប៉ុន្តែដោយសុវត្ថិភាពរបស់អតិថិជនជាអាទិភាពចម្បង ក្រុមហ៊ុនយើងខ្ញុំនឹងធ្វើការ update software ថ្មីតាមកាលបរិច្ឆេទដូចជម្រាបជូនខាងលើ។
ទន្ទឹមគ្នានេះដែរ ក្រុមហ៊ុនអំពាវនាវដល់អតិថិជន Galaxy Note 7 ទាំងអស់ដែលពុំទាន់បានចុះឈ្មោះ សូមអញ្ជើញមកចុះឈ្មោះឲ្យបានឆាប់ ចាប់ពីថ្ងៃនេះរហូតដល់ថ្ងៃទី២៤ កញ្ញា ២០១៦ ដើម្បីប្តូរយក Galaxy Note 7 ថ្មីនាពេលឆាប់ៗខាងមុខនេះ។
ដើម្បីចុះឈ្មោះក្នុងកម្មវិធីដូរយក Galaxy Note 7 ថ្មី សូមទាក់ទងសេវាបម្រើអតិថិជនក្រុមហ៊ុនយើងខ្ញុំតាមលេខ 023 99 32 32 ដើម្បីទទួលបានព័ត៌មានលម្អិត រៀងរាល់ថ្ងៃចន្ទ ដល់ថ្ងៃអាទិត្យ ចាប់ពីម៉ោង ៨ ព្រឹក ដល់ម៉ោង ៦ ល្ងាច»៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
