ជាង១ម៉ឺននាក់មើលបាតុភូតព្រះអាទិត្យរះចំកំពូលប្រាសាទអង្គរវត្តព្រឹកមិញ

2016-09-23 20:32:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ទំព័រហ្វេសប៊ុករបស់មន្ទីរទេសចរណ៍ខេត្តសៀមរាប ប៉ុន្មានម៉ោងមុននេះ បានបង្ហាញទិដ្ឋភាពភ្ញៀវទេសចរទស្សនាថ្ងៃរះចំកណ្ដាលកំពូលប្រាសាទអង្គរវត្ត នាថ្ងៃទី២៣ កញ្ញា ២០១៦នេះ។

រូបភាព៖ Facebook មន្ទីរទេសចរណ៍ខេត្តសៀមរាប

តាមប្រភពខាងលើដដែលបានបញ្ជាក់មានភ្ញៀវទេសចរប្រហែល ១៥ ៥០០នាក់ ដោយក្នុងនោះមានភ្ញៀវទេសចរអន្តរជាតិប្រហែល៣ ៥០០នាក់ទៅទស្សនាបាតុភូតខាងលើ។

ដើម្បីជាការចូលរួមផ្សព្វផ្សាយព្រឹត្តិការណ៍ដ៏អស្ចារ្យនេះ និងជាការទាក់ទាញភ្ញៀវទេសចរជាតិ អន្តរជាតិ ក្រសួងទេសចរណ៍ក៏រៀបចំការប្រកួតប្រជែងថតរូប Selfies ជាមួយបាតុភូតព្រះអាទិត្យរះចំកណ្ដាលកំពូលប្រាសាទអង្គរវត្តកម្ពុជា (EQUINOX) ផងដែរ ដោយជ្រើសរើសរូបថតដែលមានអ្នកគាំទ្រច្រើនជាងគេពីលេខ១ ដល់លេខ៣។

គួររំលឹកផងដែរថាបាតុភូតខាងលើ កើតឡើងចំនួន២ដងជារៀងរាល់ឆ្នាំ ដោយលើកទី១ ក្នុងខែមីនា និងលើកទី២ នៅក្នុងខែកញ្ញា ។ កាលពីខែមិនាកន្លងទៅ មានភ្ញៀវទេសចរជាង១ម៉ឺននាក់ មកផ្ដិតយករូបភាពដ៏ល្អឯកពីបាតុភូតនេះនៅអង្គរវត្ត៕