ជំនឿមួយដែលនាំឲ្យឆាមីសួរពេញនិយមពេលភ្ជុំបិណ្ឌ

2016-09-23 22:35:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ពេលបុណ្យភ្ជុំបិណ្ឌម្តងៗ គេសង្កេតឃើញមានម្ហូបជាច្រើនប្រភេទដែលប្រជាជនខ្មែរយកទៅប្រគេនព្រះសង្ឃដើម្បីឧទ្ទិសផលដល់ញាតិកាទាំងប្រាំពីរសន្តានដែលបានចែកឋានទៅកាន់លោកខាងមុខ។ ក្នុងនោះដែរ ឆាមីសួរ គឺជាមុខម្ហូបមួយដែលតែងមានវត្តមានជានិច្ចក្នុងពិធីបុណ្យនេះ។ តើមូលហេតុអ្វីបានជាចាស់ៗផ្ដាំអោយកូនចៅធ្វើមីសួរទៅវត្ត?

បើតាមសង្ឃដីការបស់ព្រះភិក្ខុ ធួន ច័ន្ទថន គង់នៅវត្តសន្សំកុសល រាជធានីភ្នំពេញបានលើកឡើងថា ការចម្អិន មីសួរ ឬគុយទាវ ដើម្បីធ្វើជាចង្ហាន់យកទៅវត្តនេះគឺដោយសារតែមានជំនឿមួយទាក់ទងនឹងប្រេតមួយពួក។ ប្រេតទាំងនោះមានមាត់តូចប៉ុនគូថម្ជុលគឺមិនអាចបរិភោគចំណីអាហារដែលមានទំហំធម្មតាបានទេ។

ដូចនេះហើយ ទើបពុទ្ធបរិស័ទដែលភ័យខ្លាចញាតិការបស់ខ្លួនមានបាបកម្មធ្លាក់ទៅចាប់កំណើតជាប្រេតជំពូកនេះ ពួកគាត់នាំគ្នាចម្អិនមីសួរយកទៅវត្តដើម្បីអាចឲ្យប្រេតទាំងនោះទទួលយកអាហារបាន ព្រោះគ្មាននរណាម្នាក់អាចដឹងនោះឡើយថា បុព្វការីជនរបស់ខ្លួនបានចាប់កំណើតជាអ្វីឲ្យប្រាកដ។

តាមឯកសារមួយចំនួនបានបង្ហាញថា ចំពោះពពួកប្រេតដែលមានលក្ខណៈដូចដែលព្រះភិក្ខុ ធួន ច័ន្ទថនលើកឡើងខាងលើ គឺត្រូវនឹងពពួកប្រេតឈ្មោះ "សុចិមុខ"។ តាមរយៈសៀវភៅកំណាព្យល្បើកប្រេត របស់លោក សុង ស៊ីវ បានសរសេរថាប្រេតឈ្មោះ សុចិមុខ នេះគឺជាប្រភេទប្រេតមួយពួកដែលមានខ្លួនធំប៉ុនភ្នំ ដៃជើងវែងៗ តែមាត់វិញស្រួច រន្ធមាត់ប៉ុនគូថម្ជុល ក្បាលធំត្រមែង ភ្នែកលៀនក្រឡោត ក្រចកដៃវែងៗ កើតស្រែងស៊ីជុំជិត សាច់ពកធំៗដូចជាថ្ម ស្បែកក្រាស់គគ្រាត ស្លែដុះព្រោងព្រាត សក់ក្បាលពុកមាត់ និង ពុកចង្កាដុះដូច ព្រឹក្សា។

ពួកប្រេតប្រភេទនេះច្រើនរស់នៅតាមព្រៃជ្រៅ និង ភ្នំគិដ្បកូដ។ ប្រេតនេះផឹកទឹកមិនចូល ស៊ីបាយមិនរួច ព្រោះតែមាត់តូចពេក រស់នៅដោយភាពស្រេកឃ្លានរងកម្មវេទនាខ្លោចផ្សារ ក៏ព្រោះតែជាតិមុនមិនខិតខំសន្សំបុណ្យកុសល មានទ្រព្យ ប៉ុន្តែបង្អត់មិនទិញចំណីអាហារអីឲ្យមាតាបិតាពិសា គម្រិះម៉ៅស្វិតហួសកម្រិត។

ដូចនេះកុលបុត្រ កុលធីតាតាខ្មែរគ្រប់រូបត្រូវចិញ្ចឹមបីបាច់ ថែរក្សា ទំនុកបម្រុងលោកអ្នកមានគុណអោយបានល្អ ដើម្បីកុំឲ្យមានកម្មពារកើតជាប្រេត ដូចដែលបានរៀបរាប់ខាងលើ។ ការចាយទ្រព្យត្រឹមត្រូវតាមច្បាប់មាត្រាដើម្បីមាតាបិតា គឺមិនចេះក្រនោះឡើយ៕

អត្ថបទ៖ ចន្ថា

ពាក្យទាក់ទង

អបអរពិធីបុណ្យភ្ជុំបិណ្ឌជាមួយខ្នរ បុណ្យភ្ជុំបិណ្ឌ២០១៦

អត្ថបទពេញនិយម

គម្រោងស្ពានផ្សារចាស់-ជ្រោយចង្វារ-អរិយក្សត្រ កំពុងស្ថិតក្នុងដំណាក់កាលណាហើយ?

ខែភ្លៀង ត្រៀមឱ្យហើយ! ពេលបើកម៉ូតូកាត់ទឹក ស្រាប់តែរលត់ម៉ាស៊ីន គឺត្រូវធ្វើតាមវិធីទាំងនេះ បើមិនចង់ឱ្យខូចធ្ងន់លើសដើម

ត្រឹម៥ខែប៉ុណ្ណោះ! បដិមាបុរាណខ្មែរជាច្រើន ត្រូវបានជីកកំណាយរកឃើញ និងវិលត្រឡប់ពីបរទេស

កូនកាត់ម្នាក់ទៀតហើយ! សឺរីដេន អានីសាហុន កូនកាត់ខ្មែរ-អង់គ្លេស ដាក់ពាក្យប្រកួតបវរកញ្ញា

ផលិតករ K-Pop ម្នាក់ត្រូវបានកាត់ទោសឲ្យជាប់ពន្ធនាគារពីបទក្លែងខ្លួនជាសមាជិក BTS

កាត់បន្ថយហានិភ័យច្រើនណាស់! បច្ចេកវិទ្យាជប៉ុនថ្មីមួយ ជួយការពារមិនឱ្យរបូតកង់ឡាន ពេលកំពុងបើកបរ

អត្ថបទថ្មី

រវល់ជាមួយការងារប៉ុណ្ណាក៏ដោយ Taylor ឆ្លៀតពេលសាកថ្មជីវិតជាមួយមិត្តប្រុសយ៉ាងផ្អែមល្ហែម

ក្ដីស្រឡាញ់ និងឆន្ទៈចង់ឈ្នះមេដាយជូនជាតិក្រុមកាយវប្បកម្មចំណាយថវិកាផ្ទាល់ខ្លួនមិនតិចទេសម្រាប់ការប្រកួតជើងឯកអាស៊ីអាគ្នេយ៍

មានលុយធ្វើអីក៏សម បុរសម្នាក់ប្រើជីវិតបែបអភិជន រហូតគេដាក់ឈ្មោះថាជា «Kim Kardashian ចិន»

គម្រោងប្រព័ន្ធធារាសាស្រ្តថ្មី២នេះ នឹងបម្រើដល់វិស័យកសិកម្មក្នុងខេត្តកំពង់ធំ យ៉ាងធំធេង

Toyota ចាយលុយដល់ ១,៤ពាន់លានដុល្លារ ដើម្បីផលិតរថយន្តអគ្គិសនីកៅអី ៣ជួរ