ជិះទូកទៅលេងភ្នំដា កាត់វត្តកំពង់ហ្លួង គយគន់ផ្កាស្គន់បញ្ចេញសម្រស់នាខែវស្សា
- 2016-09-25 19:42:35
- ចំនួនមតិ 0 | ចំនួនចែករំលែក 0
ជិះទូកទៅលេងភ្នំដា កាត់វត្តកំពង់ហ្លួង គយគន់ផ្កាស្គន់បញ្ចេញសម្រស់នាខែវស្សា
ចន្លោះមិនឃើញ
បានទៅកម្សាន្តនៅភ្នំដា ដូចជាបានដាស់អារម្មណ៍ពលរដ្ឋខ្មែរគ្រប់រូបនឹកស្រមៃពីអតីតកាលនៃការកកើតទឹកដីខ្មែរសម័យដំបូង។ ភ្ញៀវទេសចរបរទេសដែលមកកម្សាន្តខេត្តតាកែវ មិនដែលរំលងទៅទស្សនាភ្នំដា ដើម្បីស្វែងយល់ពីការចាប់ផ្តើមដំបូងនៃទីតាំងកកើតទឹកដីខ្មែរសម័យដើម ក៏ដូចជាបានទស្សនាប្រាសាទភ្នំដា ដែលសាងសង់នៅលើកូនភ្នំកម្ពស់ ៥០ ម៉ែត្រ។
ការធ្វើដំណើរទៅភ្នំដា ភ្ញៀវអាចជិះទូកពីក្រុងតាកែវ ប្រើពេលជាង ៤៥ នាទី ដោយត្រូវចំណាយប្រហែល ៣៥ ដុល្លារអាមេរិក។ ផ្ទុយទៅវិញ ក៏អាចធ្វើដំណើរតាមផ្លូវគោកចេញពីរមណីយដ្ឋានភ្នំជីសូរប្រហែល ៣៥ គ.ម ទៀតទៅដល់ស្រុកអង្គរបុរី រួចបន្តដំណើរចម្ងាយប្រហែល ៥ គ.ម នឹងទៅដល់ភ្នំដា។
ក្រុមការងារ "ផ្លូវទៅស្រុក" បានជ្រើសរើសការធ្វើដំណើរតាមទូកដោយសារមានភាពងាយស្រួល និងណាមួយដើម្បីអាចបានទស្សនាជីវិតរស់នៅរបស់ពលរដ្ឋតាមដងព្រែក និងបានទៅផ្តិតរូបភាពនៅវត្តប្រាសាទកំពង់ហ្លួង និងបានគយគន់សម្រស់ផ្កាស្គន់ដែលរីកព្រោងព្រាតលើផ្ទៃទឹកនាខែវស្សា។
អត្ថបទ៖ ប៊ុណ្ណារ៉ា