ចរន្តទឹកទន្លេសាបហូរខ្លាំង កីឡាករអុំទូក ត្រូវប្រាប់ឲ្យប្រុងប្រយ័ត្នខ្ពស់

2014-11-04 14:42:41
ចំនួនមតិ 0 | ចំនួនចែករំលែក 0

ចន្លោះមិនឃើញ

មានសេចក្តីរាយការណ៍មកថា រយៈពេលថ្ងៃ នៃព្រះរាជពិធីបុណ្យអុំទូកបណ្តែតប្រទីត សំពះព្រះខែ និងអកអំបុក ចរន្តទឹកទន្លេសាបហូរខ្លាំង ដែលនេះជាប្រការគួរប្រុងប្រយ័ត្នខ្ពស់មួយ សម្រាប់កីឡាករអុំទូកទាំងអស់។

ឯកឧត្តម កឹម គុណវឌ្ឍន៍ អគ្គនាយកទូរទស្សន៍ជាតិកម្ពុជា បានសរសេរនៅលើបណ្តាញសង្គមមុននេះថា "តាមដឹង ចរន្តទឹក ទន្លេសាបនៅពេលអុំទូក ៣ ថ្ងៃនេះគឺហូរខ្លាំង ខ្ញុំសូមបងៗ ពូៗ មីងៗ ជាប្រធានក្រុមទូកង ទូកមួងទាំងអស់ជម្រាប ណែនាំចំណុះអុំ និងចេវឲ្យមានការប្រុង ប្រយ័ត្នខ្ពស់នៅពេលអុំ ចេវ ប្រណាំង ៣ថ្ងៃ ស្មើ ៦ លើក និងពិសេស កុំទទួលស្រាលើសលប់ ទទួលទានដំណេក បានគ្រប់គ្រាន់ និងចេះជួយ សង្គ្រោះខ្លួនឯង ពេលធ្លាក់ទឹក”។

តាមឯកឧត្តម កឹម គុណវឌ្ឍន៍ ចំនួនទូកង ទូកមួង ដែលចូលរួមអុំ ចេវ ៣ថ្ងៃ ក្នុងបុណ្យអុំទូកឆ្នាំ២០១៤ នេះគិតមកត្រឹមថ្ងៃទី ២ វិច្ឆិកាមានចំនួនសរុប ២៤៨ ទូក។ គូពិសេមាន ៨១ គូ៕

Sabay នឹងរាយការណ៍បន្ថែមជុំវិញព័ត៌មានខាងលើ !