Tao អតីតសមាជិកក្រុម EXO រងការរិះគន់ពេលបន្តតំណែងតួអ៊ូខុងរបស់ទិន ហ្វី
- 2016-10-19 13:00:01
- ចំនួនមតិ 0 | ចំនួនចែករំលែក 0
Tao អតីតសមាជិកក្រុម EXO រងការរិះគន់ពេលបន្តតំណែងតួអ៊ូខុងរបស់ទិន ហ្វី
ចន្លោះមិនឃើញ
ទស្សនិកជនជាច្រើនគិតថា តារាចម្រៀង Huang Zitao នឹងពិបាកនឹងទទួលបានជោគជ័យដូចស្ដេចកំប្លែងទិន ហ្វីណាស់។
ក្រោយភាពយន្ត "A Chinese Odyssey” ទទួលបានជោគជ័យយ៉ាងខ្លាំងនោះ រឿងនេះត្រូវបានផលិតជាបន្តក្នុងលក្ខណៈជារឿងភាគទូរទស្សន៍។ ក្រោយពេលតួអង្គរបស់រឿងនេះត្រូវបានបញ្ចេញជាផ្លូវការ រាល់ការចាប់អារម្មណ៍បានតម្រង់មកតារាចម្រៀងវ័យក្មេង Huang Zitao អតីតសមាជិកក្រុមចម្រៀងល្បីឈ្មោះEXO។ មិនត្រឹមតែត្រូវគេរិះគន់ដោយសារតែគ្មានបទពិសោធន៍សម្ដែងនោះទេ Tao ក៏បង្កចម្រូងចម្រាស់ដោយសារការតែងខ្លួនទំនើបជ្រុលរបស់ខ្លួនផងដែរ។
នេះគឺជាការបោះជើងចូលវិស័យភាពយន្តលើកទី១របស់តារាកើតឆ្នាំ១៩៩៣ តែលោកត្រូវបានប្រគល់តំណែងតួឯកតែម្ដង។ យ៉ាងណាក៏ដោយ ជម្រើសនេះរបស់អ្នកដឹកនាំបានអចេតនាធ្វើឲ្យTao ក្លាយជាផ្ទាំងស៊ីបឲ្យគេស្ដីបន្ទោស។ "ទម្រង់មុខ ជាពិសេសគឺក្រសែភ្នែករបស់ Huang Zitao បានបំផ្លាញតួអង្គអ៊ូខុងទាំងស្រុង" ទស្សនិកជនមួយរូបបញ្ចេញមតិ។
គួរបញ្ជាក់ផងដែរថា "A Chinese Odyssey” គឺជាភាពយន្តដែលជួយជំរុញឲ្យកេរ្តិ៍ឈ្មោះរបស់តារាសម្ដែង Stephen Chow និងAthena Chu ឡើងដល់លំដាប់ជួរមុខក្នុងវិស័យសិល្បៈហុងកុងក្នុងទសវត្សឆ្នាំ១៩៩០។
ចុចអាន៖Zhao Li Ying របូតទាំងតួត្រចៀកកាំ និងចៀវៃព្រោះសម្ដែងខ្ចីពេក
ប្រែសម្រួល៖ សុវណ្ណផៃ ប្រភព៖kenh14